വളരെ എളുപ്പം തയ്യാറാക്കാൻ പറ്റുന്ന വിഭവമാണ് വെട്ടു കേക്ക്. കുട്ടികൾക്ക് ഏറെ ഇഷ്ടപ്പെടുന്ന സ്നാക്കുകളിലൊന്നാണ് ഇത്. അടിപൊളി വെട്ടു കേക്ക് തയ്യാറാക്കുന്നത് എങ്ങനെയെന്ന് നോക്കാം...
തയ്യാറാക്കാൻ വേണ്ട ചേരുവകൾ...
മൈദ 2 കപ്പ്
മുട്ട 2 എണ്ണം
പഞ്ചസാര മുക്കാൽ കപ്പ്
ഉപ്പ് ഒരു നുള്ള്
ബേക്കിംഗ് സോഡാ മുക്കാൽ ടീസ്പൂൺ
ഏലയ്ക്ക 5 എണ്ണം
തയ്യാറാക്കുന്ന വിധം...
ആദ്യം പഞ്ചസാരയും ഏലയ്ക്കായും ഒരുമിച്ച് പൊടിച്ചെടുക്കാം.
ശേഷം രണ്ട് മുട്ട മിക്സിയിൽ അടിച്ചെടുക്കുക. ഇനി മുട്ടയും പഞ്ചസാരയും ഉപ്പും ബേക്കിംഗ് പൗഡറും യോജിപ്പിച്ചെടുക്കുക.
ശേഷം മൈദ അല്പം അല്പമായി ചേർത്ത് ചപ്പാത്തി മാവ് പോലെ ആക്കിയെടുക്കാം . ഒട്ടും വെള്ളം ചേർക്കരുത്.
ഇനി ഇത് ഒരു മണിക്കൂർ വച്ചതിന് ശേഷം വറുത്തെടുക്കാം.