പ്രമേഹത്തിനും അമിതഭാരത്തിനും ഒരു ഭക്ഷണം
Synopsis
പ്രമേഹം എന്നത് ഒരസുഖം മാത്രമല്ല മറിച്ച് ശരീരത്തിന്റെ എല്ലാ പ്രവര്ത്തനങ്ങളെയും ബാധിക്കുന്ന ഒരവസ്ഥയാണ്. രക്തത്തില് ഗ്ലൂക്കോസിന്റെ അളവ് ക്രമാതീതമായി കൂടുകയും ശരീരത്തിന് ഗ്ലൂക്കോസിന്റെ അളവ് നിയന്ത്രിക്കാന് കഴിയാതാവുകയും ചെയ്യുന്ന അവസ്ഥയെയാണ് പ്രമേഹം. പ്രമേഹരോഗികള്ക്ക് കഴിക്കാവുന്ന ഏറ്റവും നല്ല ഭക്ഷണമാണ് ഓട്സ് .
പ്രമേഹം എന്നത് ഒരസുഖം മാത്രമല്ല മറിച്ച് ശരീരത്തിന്റെ എല്ലാ പ്രവര്ത്തനങ്ങളെയും ബാധിക്കുന്ന ഒരവസ്ഥയാണ്. രക്തത്തില് ഗ്ലൂക്കോസിന്റെ അളവ് ക്രമാതീതമായി കൂടുകയും ശരീരത്തിന് ഗ്ലൂക്കോസിന്റെ അളവ് നിയന്ത്രിക്കാന് കഴിയാതാവുകയും ചെയ്യുന്ന അവസ്ഥയെയാണ് പ്രമേഹം. പണ്ടുകാലങ്ങളിൽ മുതിർന്നവരിൽ മാത്രം കാണപ്പെട്ടിരുന്ന ഈ രോഗം കൗമാരക്കാരിലും യുവാക്കളിലും ഇന്ന് വ്യാപകമായി കണ്ടുവരുന്നു. പഞ്ചസാരയുടെ അളവ് കൂടുന്നതാണ് പ്രമേഹ രോഗത്തിന് കാരണം. പ്രമേഹ രോഗികള് ആഹാരകാര്യങ്ങളില് വളരെയധികം ശ്രദ്ധ പുലര്ത്തണം. പ്രമേഹരോഗികള്ക്ക് കഴിക്കാവുന്ന ഏറ്റവും നല്ല ഭക്ഷണമാണ് ഓട്സ് .
ഓട്സ്, ഗോതമ്പ്, തുടങ്ങി തവിടുകളയാത്ത ഏത് ധാന്യവും ടൈപ്പ് 2 പ്രമേഹത്തെ തടുക്കുമെന്ന് പഠനങ്ങള് സൂചിപ്പിക്കുന്നു. കാര്ബോഹൈഡ്രേറ്റ്സ് അടങ്ങിയ ഭക്ഷണമാണ് ഓട്സ്. കാല്സ്യം, പ്രോട്ടീന്, മഗ്നീഷ്യം, ഇരുമ്പ്, സിങ്ക്, മാംഗനീസ്, തയാമിന്, വിറ്റാമിന് ഇ എന്നിവയും ഓട്സില് അടങ്ങിയിട്ടുണ്ട്. അത് പ്രമേഹരോഗികള്ക്ക് വളരെ നല്ലതാണ്. അതുപോലെ തന്നെ ശരീരഭാരം കുറയ്ക്കാനും ഓട്സ് കഴിക്കുന്നത് നല്ലതാണ്. കലോറി വളരെ കുറവ് ആയതിനാലും ഓട്സ് ശരീരഭാരം നിയന്ത്രിക്കും.