അലർജി ഉണ്ടാകാനുള്ള സാധ്യത കൂടുതൽ; മഴക്കാലത്ത് മൃഗങ്ങളെ ശ്രദ്ധയോടെ പരിപാലിക്കാം, ഇക്കാര്യങ്ങൾ നിർബന്ധമായും അറിഞ്ഞിരിക്കണം

മഴക്കാലത്ത് ഉണ്ടാകുന്ന ഇടിയും മിന്നലും മൃഗങ്ങളിൽ സമ്മർദ്ദം വർധിപ്പിക്കാൻ സാധ്യതയുണ്ട്. അതിനാൽ തന്നെ അവയ്ക്ക് സുരക്ഷിതത്വം നൽകേണ്ടതും വളരെ പ്രധാനമാണ്

മഴക്കാലം ചൂടിൽ നിന്നും നമുക്ക് ആശ്വാസം നൽകുമെങ്കിലും മഴയോടൊപ്പം എത്തുന്ന ചില പ്രതിസന്ധികളും നമ്മൾ നേരിടേണ്ടതായി വരുന്നു. അതിൽ പ്രധാനമാണ് വളർത്ത് മൃഗങ്ങളിൽ ഉണ്ടാകുന്ന പലതരത്തിലുള്ള അലർജികൾ. മൃഗങ്ങളെ വളർത്തുമ്പോൾ ഈ സമയത്ത് നിർബന്ധമായും അറിഞ്ഞിരിക്കേണ്ട കാര്യങ്ങൾ എന്തൊക്കെയാണെന്ന് അറിയാം.

അണുബാധ ഉണ്ടാകുന്നു

കാലാവസ്ഥ മാറുന്നതിനനുസരിച്ച് മൃഗങ്ങളുടെ ആരോഗ്യത്തിനും മാറ്റങ്ങൾ സംഭവിക്കുന്നു. മഴക്കാലത്ത് സൂര്യപ്രകാശം ലഭിക്കാതെ വരുമ്പോൾ അണുബാധ ഉണ്ടാവാൻ സാധ്യതയുണ്ട്. അതിനാൽ തന്നെ ഈ സമയത്ത് മൃഗങ്ങൾക്ക് പ്രത്യേകം ശ്രദ്ധ നൽകേണ്ടതുണ്ട്.

സുരക്ഷിതത്വം നൽകാം

മഴക്കാലത്ത് ഉണ്ടാകുന്ന ഇടിയും മിന്നലും മൃഗങ്ങളിൽ സമ്മർദ്ദം വർധിപ്പിക്കാൻ സാധ്യതയുണ്ട്. അതിനാൽ തന്നെ അവയ്ക്ക് സുരക്ഷിതത്വം നൽകേണ്ടതും വളരെ പ്രധാനമാണ്. മൃഗങ്ങൾക്ക് ശാന്തമായി ഇരിക്കാൻ സാധിക്കുന്ന സ്ഥലങ്ങൾ ഒരുക്കി കൊടുക്കുന്നത് നല്ലതായിരിക്കും.

ഭക്ഷണ ക്രമീകരണങ്ങൾ

മഴയെത്തിയാൽ പിന്നെ മൃഗങ്ങൾക്ക് വിശപ്പ് വന്നുകൊണ്ടേയിരിക്കും. ഇടയ്ക്കിടെ മിതമായ അളവിൽ ഭക്ഷണം നൽകാൻ ശ്രദ്ധിക്കണം. നല്ല പോഷക ഗുണങ്ങളുള്ള, ജലാംശമുള്ള ഭക്ഷണങ്ങൾ കൊടുക്കാൻ മറക്കരുത്.

പുറത്തേക്ക് കൊണ്ടു പോകരുത്

മഴ സമയങ്ങളിൽ മൃഗങ്ങളെ പുറത്തേക്ക് കൊണ്ട് പോകുന്നത് ഒഴിവാക്കാം. ഇത് മൃഗങ്ങളിൽ പലതരം അണുക്കളും രോഗങ്ങളും പിടിപെടാൻ കാരണമാകുന്നു. വീടിനുള്ളിൽ കളിക്കാനും നടക്കാനുമുള്ള സൗകര്യങ്ങൾ ഒരുക്കി കൊടുക്കാൻ ശ്രദ്ധിക്കണം.

ഉത്കണ്ഠയുടെ ലക്ഷണങ്ങൾ

നിങ്ങളുടെ വളർത്തുമൃഗം മഴക്കാല ഉത്കണ്ഠയുടെ ലക്ഷണങ്ങൾ കാണിക്കുന്നുവെങ്കിൽ, ഉദാഹരണത്തിന് നിലവിളിക്കുക, ഒളിച്ചിരിക്കുക, അസ്വസ്ഥത, അല്ലെങ്കിൽ ആക്രമണ സ്വഭാവം എന്നിവ കാണിക്കുകയാണെങ്കിൽ അതിന് പരിഹാരം കാണേണ്ടതുണ്ട്. ആവശ്യമെങ്കിൽ ഡോക്ടറെ സമീപിക്കാവുന്നതാണ്.