മുടികൊഴിച്ചിലാണോ പ്രശ്​നം? ഇതാണ്​ കാരണങ്ങൾ

തലമുടി സംരക്ഷണം നിങ്ങളെ അലട്ടുന്ന പ്രശ്​നമാണോ? മുടി കൊഴിച്ചിൽ പലരുടെയും ഉറക്കംകെടുത്തുകയും ചെയ്യുന്നു. മുടി സംരക്ഷണത്തിന്​ മുമ്പായി മുടിയെക്കുറിച്ചും മുടികൊഴിച്ചിലിനെക്കുറിച്ചും അടിസ്​ഥാന വിവരങ്ങൾ അറിഞ്ഞിരിക്കുക. അവയിൽ ചിലത്​ ഇനി വായിക്കാം: 

ഒാരോ മുടിയിഴയും ഏകദേശം 100 ദിവസം വരെയാണ്​ നിലനിൽക്കുക. സ്​ത്രീകൾക്ക്​ ഏകദേശം ഒരു ലക്ഷത്തോളം മുടിയിഴകൾ ഉണ്ടാവാം. ആരോഗ്യമുള്ള മുടിയുടെ വളർച്ച മാസത്തിൽ ഒരു സെൻറിമീറ്ററോളമാണ്​. ഒരു ദിവസം 100 മുടി കൊഴിയുന്നത്​ സാധാരണയാണ്​. മുടിക്ക്​ ക്യൂട്ടിക്കിൾ, കോർ​ട്ടെക്​സ്​, മെഡുല്ല എന്നിങ്ങനെ മൂന്നുഭാഗങ്ങളുണ്ട്​. മുടിയിഴ പൊതിയുന്ന കവചമായ ക്യൂട്ടിക്കിളാണ്​ മുടിക്ക്​ തിളക്കം നൽകുന്നത്​. മുടി പൊട്ടിയാൽ പഴയതുപോലെയാകാനുള്ള കഴിവ്​ മുടിക്കില്ല. വിരലടയാളങ്ങൾ പോലെ മുടിയും ഒാരോ വ്യക്​തരിയിലും വ്യത്യസ്​ത തരത്തിലായിരിക്കും. 

ഭക്ഷണത്തിൽ വിറ്റാമിനുകൾ, ധാതുക്കൾ, പ്രോട്ടീൻ, ഇരുമ്പി​ന്‍റെ അംശം എന്നിവ കുറഞ്ഞാൽ മുടികൊഴിച്ചിലുണ്ടാകും. ശരീരത്തിലെ ഹോർമോൻ വ്യവസ്​ഥയിലുണ്ടാകുന്ന തകരാറുകളും മുടികൊഴിച്ചിലിന്​ കാരണമാകാം. രോഗപ്രതിരോധ വ്യവസ്​ഥയെ ബാധിക്കുന്ന ചില അസുഖങ്ങൾക്ക്​ പുറമെ കാൻസർ, ക്ഷയം, ടൈഫോയിഡ്​ തുടങ്ങിയ ദീർഘകാല രോഗങ്ങളും മുടികൊഴിച്ചിലുണ്ടാക്കും.