മുഖത്തും തലമുടിയിലും തൈര് ഇങ്ങനെ ഉപയോഗിക്കാം; അറിയാം ഈ അത്ഭുത ഗുണങ്ങള്...
Synopsis
ദിവസവും തൈര് ഡയറ്റില് ഉള്പ്പെടുത്തുന്നത് ദഹനം മെച്ചപ്പെടുത്താനും വയറ്റിലെ അസ്വസ്ഥതകള് കുറയ്ക്കാനും വയറിന്റെയും കുടലിന്റെയും ആരോഗ്യത്തെ നിലനിര്ത്താനും സഹായിക്കും. ദിവസവും തൈര് കഴിക്കുന്നത് രോഗപ്രതിരോധശേഷി വര്ധിപ്പിക്കാനും ഉയര്ന്ന രക്തസമ്മര്ദ്ദത്തെ നിയന്ത്രിക്കാനും എല്ലുകളുടെയും പല്ലുകളുടെയും ആരോഗ്യം സംരക്ഷിക്കാനും സഹായിക്കും.
നിരവധി ആരോഗ്യ ഗുണങ്ങള് അടങ്ങിയ ഒന്നാണ് തൈര്. കാത്സ്യം, വിറ്റാമിൻ ബി-2, പൊട്ടാസ്യം, മഗ്നീഷ്യം തുടങ്ങിയ നിരവധി അവശ്യ പോഷകങ്ങൾ തൈരില് അടങ്ങിയിട്ടുണ്ട്. തൈര് ഒരു മികച്ച പ്രോബയോട്ടിക് ആണ്. ദിവസവും തൈര് ഡയറ്റില് ഉള്പ്പെടുത്തുന്നത് ദഹനം മെച്ചപ്പെടുത്താനും വയറ്റിലെ അസ്വസ്ഥതകള് കുറയ്ക്കാനും വയറിന്റെയും കുടലിന്റെയും ആരോഗ്യത്തെ നിലനിര്ത്താനും സഹായിക്കും. ദിവസവും തൈര് കഴിക്കുന്നത് രോഗപ്രതിരോധശേഷി വര്ധിപ്പിക്കാനും ഉയര്ന്ന രക്തസമ്മര്ദ്ദത്തെ നിയന്ത്രിക്കാനും എല്ലുകളുടെയും പല്ലുകളുടെയും ആരോഗ്യം സംരക്ഷിക്കാനും സഹായിക്കും.
തൈര് ചര്മ്മത്തിന്റെ ആരോഗ്യത്തിനും നല്ലതാണ്.തൈരിലെ ലാക്ടിക് ആസിഡ് ചര്മ്മത്തിലെ മൃതകോശങ്ങള് നീക്കം ചെയ്യുകയും, കരുവാളിപ്പ് മാറ്റുകയും, കറുത്ത പാടുകളെ അകറ്റുകയും ചെയ്യും. ഇതിനായി ആദ്യം ഒരു ടീസ്പൂണ് കാപ്പിപ്പൊടിയിലേയ്ക്ക് ഒരു നുള്ള് മഞ്ഞളും ഒരു ടീസ്പൂണ് തൈരും ചേര്ത്ത് മിശ്രിതമാക്കുക. ശേഷം ഈ മിശ്രിതം മുഖത്ത് പുരട്ടാം. 20 മിനിറ്റിന് ശേഷം കഴുകി കളയാം. മുഖത്തെ കരുവാളിപ്പ് മാറാന് ഈ പാക്ക് സഹായിക്കും.
കൂടാതെ തൈര് കൊണ്ടുള്ള ഹെയര് മാസ്ക്കുകള് താരന് അകറ്റാനും തലമുടി വളരാനും നല്ലതാണ്. ഇതിനായി തൈരിനൊപ്പം തേൻ, കറ്റാർവാഴ തുടങ്ങിയവ ചേര്ത്ത് മിശ്രിതമാക്കി തലയില് പുരട്ടാം. ഇവ തലമുടി കൊഴിച്ചില് തടയാന് സഹായിക്കും. അതുപോലെ തന്നെ, പുളിച്ച തൈര് അല്പ്പം ഉപ്പും ചേര്ത്ത് തലയില് പുരട്ടുക. ഒരു മണിക്കൂറിനുശേഷം കഴുകിക്കളയാം. ഇടയ്ക്ക് ഇങ്ങനെ ചെയ്യുന്നത് താരന് അകറ്റാന് സഹായിക്കും.
Also Read: കടലമാവ് ഇങ്ങനെ ഉപയോഗിച്ച് നോക്കൂ; ചര്മ്മത്തില് അത്ഭുത മാറ്റങ്ങള് ഉണ്ടാകും...
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം