പുരുഷന്മാർക്കുള്ള 5 മിനിറ്റ് സ്കിൻ കെയർ ഗൈഡ്

ചർമ്മത്തിന്റെ ആരോഗ്യത്തിനും അത്യാവശ്യമാണ്. പുരുഷന്മാരുടെ ചർമ്മം സ്ത്രീകളുടേതിനേക്കാൾ കട്ടിയുള്ളതും എണ്ണമയമുള്ളതുമാണ്. അതുകൊണ്ട് തന്നെ താഴെ പറയുന്ന കൃത്യമായി ചെയ്യുന്നത് വലിയ മാറ്റം കൊണ്ടുവരും.

പുരുഷന്മാരുടെ ചർമ്മസംരക്ഷണം വെറും ലുക്കിന് വേണ്ടി മാത്രമല്ല, ചർമ്മത്തിന്റെ ആരോഗ്യത്തിനും അത്യാവശ്യമാണ്. സ്കിൻ കെയർ എന്നാൽ സ്ത്രീകൾക്ക് മാത്രം ഉള്ളതാണെന്ന ധാരണ ഇന്ന് മാറിവരികയാണ്. ജോലിക്കായി പുറത്തിറങ്ങുന്നവരും ടൂവീലറുകളിൽ യാത്ര ചെയ്യുന്നവരുമായ പുരുഷന്മാർക്കാണ് ചർമ്മപ്രശ്നങ്ങൾ ഏറ്റവും കൂടുതൽ വരുന്നത്. ഒരു സിമ്പിൾ സ്കിൻ കെയർ റൂട്ടീൻ എങ്ങനെ വീട്ടിൽ തന്നെ തുടങ്ങാം എന്ന് നോക്കാം.

1. ഫേസ് വാഷ് ഉപയോഗിച്ച് മുഖം കഴുകുക

ദിവസവും രണ്ടുനേരം രാവിലെയും രാത്രിയും മുഖം കഴുകുക. സാധാരണ കുളിക്കാൻ ഉപയോഗിക്കുന്ന സോപ്പ് മുഖത്ത് ഉപയോഗിക്കരുത്. ഇത് ചർമ്മത്തെ വല്ലാതെ വരണ്ടതാക്കും.

• ഓയിലി സ്കിൻ ആണെങ്കിൽ: സാലിസിലിക് ആസിഡ് അടങ്ങിയ ഫേസ് വാഷ് ഉപയോഗിക്കുക. ഇത് മുഖക്കുരു വരുന്നത് തടയും.
• ഡ്രൈ സ്കിൻ ആണെങ്കിൽ: ക്രീം ബേസ്ഡ് ആയ ഫേസ് വാഷുകൾ തിരഞ്ഞെടുക്കുക.

2. മോയ്സ്ചറൈസർ ഉപയോഗിക്കുക

മുഖം കഴുകിയ ഉടനെ തന്നെ ഒരു മോയ്സ്ചറൈസർ പുരട്ടുക. ഇത് ചർമ്മത്തിലെ ഈർപ്പം നിലനിർത്താനും മുഖം തിളക്കമുള്ളതാക്കാനും സഹായിക്കും. ഷേവ് ചെയ്തതിന് ശേഷം മോയ്സ്ചറൈസർ പുരട്ടുന്നത് ചർമ്മത്തിലെ പുകച്ചിലും തടിപ്പും കുറയ്ക്കാൻ സഹായിക്കും. എണ്ണമയമുള്ള ചർമ്മമുള്ളവർ 'നോൺ-കോമെഡോജെനിക്' എന്ന് എഴുതിയ ലോഷനുകൾ ഉപയോഗിച്ചാൽ സുഷിരങ്ങൾ അടഞ്ഞുപോകുന്നത് ഒഴിവാക്കാം.

3. സൺസ്ക്രീൻ ഒഴിവാക്കരുത്

പുരുഷന്മാർ ഏറ്റവും കൂടുതൽ ചെയ്യുന്ന തെറ്റാണ് സൺസ്ക്രീൻ ഉപയോഗിക്കാതിരിക്കുന്നത്. വെയിൽ അടിക്കുന്നത് മൂലം ചർമ്മം ഇരുണ്ടുപോകാനും അകാല വാർദ്ധക്യത്തിനും കാരണമാകും. വീടിന് പുറത്തിറങ്ങുന്നതിന് 15 മിനിറ്റ് മുൻപ് സൺസ്ക്രീൻ പുരട്ടുക. SPF 30 അല്ലെങ്കിൽ അതിന് മുകളിലുള്ള സൺസ്ക്രീൻ തിരഞ്ഞെടുക്കുക.

4. എക്സ്ഫോളിയേഷൻ

മുഖത്തെ മൃതകോശങ്ങളെ നീക്കം ചെയ്യാൻ ആഴ്ചയിൽ ഒന്നോ രണ്ടോ തവണ ഫേസ് സ്ക്രബ് ഉപയോഗിക്കുക. ഇത് ബ്ലാക്ക് ഹെഡ്‌സ് കുറയ്ക്കാനും ചർമ്മം മൃദുവാകാനും സഹായിക്കും. അമിതമായി സ്ക്രബ് ചെയ്യുന്നത് ചർമ്മത്തിന് ദോഷം ചെയ്യുമെന്ന കാര്യം ഓർക്കുക.

5. രാത്രിയിലെ സംരക്ഷണം

രാത്രി ഉറങ്ങുന്നതിന് മുൻപ് മുഖത്തെ അഴുക്കും പൊടിയും കഴുകിക്കളയുന്നത് നിർബന്ധമാക്കുക. ഉറങ്ങുന്നതിന് മുൻപ് അല്പം മോയ്സ്ചറൈസർ പുരട്ടുന്നത് രാത്രിയിൽ ചർമ്മം സ്വയം പുതുക്കാൻ സഹായിക്കും.

ഒരു പ്രോ ടിപ്പ്: ധാരാളം വെള്ളം കുടിക്കുന്നതും ആറ് മുതൽ എട്ട് മണിക്കൂർ വരെ ഉറങ്ങുന്നതും ഏത് വിലകൂടിയ ക്രീമിനേക്കാളും നിങ്ങളുടെ മുഖത്തിന് തിളക്കം നൽകും.