വാലന്റൈൻസ് ഡേ സ്പേഷ്യൽ; ക്ലീഷേ' മാറ്റി വെക്കാം! ഇൻസ്റ്റാഗ്രാം ഫീഡ് ഫയർ ആക്കാൻ ഇതാ ചില റോസ് ഡേ ഔട്ട്‌ഫിറ്റ് & മേക്കപ്പ് ഐഡിയകൾ

ഗയ്സ്, വാലന്റൈൻസ് വീക്കിന്റെ ഒന്നാം ദിവസം... യെസ്, റോസ് ഡേ എത്തിക്കഴിഞ്ഞു! 🌹 പണ്ട് എല്ലാവരും ഒരേപോലെ ചുവന്ന ഡ്രസ്സും ഇട്ട് റോസാപ്പൂവുമായി പോയിരുന്ന ആ പഴയ 'ക്ലീഷേ' സീനൊക്കെ ഇപ്പോൾ തീർന്നു. ഇത്തവണ നമുക്ക് മാറ്റം പിടിച്ചാലോ

പ്രണയത്തിന്റെ മാസം എന്ന് വിശേഷിപ്പിക്കപ്പെടുന്ന ഫെബ്രുവരി എത്തിക്കഴിഞ്ഞു. വാലന്റൈൻസ് വാരത്തിലെ ആദ്യ ദിനമായ 'റോസ് ഡേ' അടുത്തു വരുമ്പോൾ എല്ലാവരുടെയും ഉള്ളിലെ ചിന്ത 'എന്ത് ധരിക്കണം?' എന്നത് തന്നെയാണ്. പണ്ട് ചുവന്ന നിറത്തിലുള്ള വസ്ത്രങ്ങൾ മാത്രം ധരിച്ചിരുന്ന കാലം കഴിഞ്ഞു. ഇന്ന് ജെൻ സികളും ഫാഷൻ പ്രേമികളും ആഗ്രഹിക്കുന്നത് തങ്ങളുടെ പേഴ്സണാലിറ്റി വ്യക്തമാക്കുന്ന 'Aesthetic' ലുക്കുകളാണ്. ഈ റോസ് ഡേയിൽ നിങ്ങളെ ഒരു 'Main Character' ആക്കി മാറ്റാൻ സഹായിക്കുന്ന ഏറ്റവും പുതിയ ഫാഷൻ ട്രെൻഡുകളെക്കുറിച്ചും മേക്കപ്പ് ടിപ്‌സുകളെക്കുറിച്ചും നോക്കാം.

ഔട്ട്‌ഫിറ്റ് ട്രെൻഡുകൾ:

വസ്ത്രധാരണം എന്നത് കേവലം തുണിയല്ല, അതൊരു മൂഡ് ആണ്. ഈ റോസ് ഡേയ്ക്ക് നിങ്ങൾക്ക് തിരഞ്ഞെടുക്കാവുന്ന നാല് പ്രധാന സ്റ്റൈലുകൾ ഇതാ:

1. കോക്വെറ്റ് സ്റ്റൈൽ

നിലവിൽ സോഷ്യൽ മീഡിയയിൽ ഏറ്റവും കൂടുതൽ ട്രെൻഡിങ് ആയിക്കൊണ്ടിരിക്കുന്ന സ്റ്റൈലാണിത്. വളരെ 'ഫെമിനിൻ' ആയ, സുന്ദരമായ ലുക്കാണിത്. വെള്ളയോ അല്ലെങ്കിൽ ബേബി പിങ്ക് നിറത്തിലോ ഉള്ള മിഡി ഡ്രസ്സുകൾ. അതിൽ കുഞ്ഞു റോസാപ്പൂക്കളുടെ പ്രിന്റുകൾ ഉണ്ടെങ്കിൽ അത് റോസ് ഡേയ്ക്ക് പെർഫെക്റ്റ് മാച്ച് ആയിരിക്കും. ലേസ് (Lace) പിടിപ്പിച്ച ബോർഡറുകൾ ഈ ഡ്രസ്സിനെ കൂടുതൽ മനോഹരമാക്കും. ഈ ലുക്കിന്റെ പ്രധാന ആകർഷണം തലയിൽ കെട്ടുന്ന വലിയ സാറ്റിൻ റിബണുകളാണ്. മുടിയിൽ ഒരു ക്യൂട്ട് ബോ കെട്ടുന്നത് നിങ്ങളെ ഒരു 'Pinterest Girl' ആക്കി മാറ്റും. സ്ട്രാപ്പുകൾ ഉള്ള ബെല്ലി ഷൂസുകളോ (Mary Janes) അല്ലെങ്കിൽ ചെറിയ ഹീൽസ് ഉള്ള ചെരുപ്പുകളോ ഇതിന് ചേരും.

2. സ്‌ട്രീറ്റ് സ്റ്റൈൽ

നിങ്ങൾക്ക് കംഫർട്ടബിളായ എന്നാൽ വളരെ കൂൾ ആയിട്ടുള്ള ലുക്ക് വേണമെന്നുണ്ടെങ്കിൽ ഇതിലേക്ക് പോകാം. ഒരു ക്രോപ്പ് ടോപ്പ് അല്ലെങ്കിൽ ഒരു കോർസെറ്റ് ടോപ്പ്. നിറം റോസ് പിങ്ക് അല്ലെങ്കിൽ മെറൂൺ ആവാം. ഇതിനോടൊപ്പം വൈഡ് ലെഗ് കാർഗോ പാന്റ്സോ അല്ലെങ്കിൽ ബാഗി ജീൻസോ ധരിക്കാം. വൈകുന്നേരത്തെ തണുപ്പിനെ നേരിടാൻ ഒരു വൈറ്റ് ഓവർസൈസ്ഡ് ഷർട്ട് ഇതിന് മുകളിൽ അൺബട്ടൺ ചെയ്ത് ധരിക്കാവുന്നതാണ്. നല്ലൊരു ചങ്കി വൈറ്റ് സ്‌നീക്കേഴ്‌സ് ഇട്ടാൽ ലുക്ക് കംപ്ലീറ്റ് ആയി. ഡേറ്റിംഗിന് മാത്രമല്ല, ഫ്രണ്ട്സിനോടൊപ്പം കഫേയിൽ പോകാനും ഇത് ബെസ്റ്റ് ആണ്.

3. സാറ്റിൻ മാജിക്

രാത്രിയിലെ ഡിന്നർ ഡേറ്റിനാണ് പ്ലാൻ ചെയ്യുന്നതെങ്കിൽ കുറച്ചുകൂടി ക്ലാസിക് ലുക്ക് പരീക്ഷിക്കാം. സ്ലിപ്പ് ഡ്രസ്സുകളാണ് താരം. ഒരു റെഡ് അല്ലെങ്കിൽ ഡീപ്പ് റോസ് നിറത്തിലുള്ള സാറ്റിൻ ഡ്രസ്സ് വളരെ സ്ലീക്ക് ആയ ലുക്ക് നൽകും. മുട്ടിന് താഴെ വരെ നിൽക്കുന്ന ഡ്രസ്സുകൾ ഇതിന് കൂടുതൽ എലഗൻസ് നൽകും. മിനിമൽ മേക്കപ്പിനൊപ്പം ഈ ഡ്രസ്സ് ധരിച്ചാൽ ആളുകൾ നിങ്ങളെ നോക്കി നിന്നുപോകും എന്നതിൽ സംശയമില്ല.

മേക്കപ്പ്

റോസ് ഡേ ലുക്കിന് ഏറ്റവും അനുയോജ്യം 'Soft & Rosy' മേക്കപ്പ് ആണ്. ഇപ്പോൾ ട്രെൻഡിലുള്ള 'Strawberry Makeup' എങ്ങനെ ചെയ്യാമെന്ന് നോക്കാം.

അധികം കടുപ്പമില്ലാത്ത മേക്കപ്പാണ് ഇപ്പൊഴത്തെ ട്രെൻഡ്. ബിബി ക്രീമോ അല്ലെങ്കിൽ സ്കിൻ ടിന്റോ ഉപയോഗിച്ച് മുഖം സ്വാഭാവികമായി നിലനിർത്തുക. റോസ് ഡേ ആയതുകൊണ്ട് കവിളുകളിൽ അല്പം കൂടുതൽ പിങ്ക് ബ്ലഷ് നൽകാം. കവിളിന്റെ മുകൾ ഭാഗത്തും മൂക്കിന്റെ തുമ്പിലും ചെറിയൊരു ചുവപ്പ് നിറം വരുന്നത് നിങ്ങളെ കൂടുതൽ ഫ്രഷ് ആയി തോന്നിപ്പിക്കും. മാറ്റ് ലിപ്സ്റ്റിക്കിനേക്കാൾ ഇപ്പോൾ കൂടുതൽ ഹൈപ്പ് ലിപ് ഗ്ലോസുകൾക്കാണ്. ഒരു ടിന്റഡ് ലിപ് ബാം പുരട്ടിയ ശേഷം അതിനു മുകളിൽ ഗ്ലോസ്സ് ഇടുന്നത് നിങ്ങളുടെ ചുണ്ടുകളെ മനോഹരമാക്കും. കണ്ണിനു മുകളിൽ ചെറിയൊരു ഷിമ്മർ ഷാഡോ നൽകുക. നല്ലൊരു മസ്കാര ഉപയോഗിച്ച് കൺപീലികൾ ഹൈലൈറ്റ് ചെയ്യാം.

ആക്സസറീസ്: മിനിമലിസം ഈസ് പവർ

ധാരാളം ആഭരണങ്ങൾ വാരി വലിച്ചിടുന്ന കാലം കഴിഞ്ഞു. മുത്തുകൾ (Pearls) ഉള്ള ചെറിയ കമ്മലുകൾ അല്ലെങ്കിൽ ഒരു ഹൃദയത്തിന്റെ ആകൃതിയിലുള്ള പെൻഡന്റ്. ഇതാണ് ഇന്നത്തെ സ്റ്റൈൽ. മുടി സ്ട്രെയിറ്റ് ചെയ്യുന്നതിനേക്കാൾ നല്ലത് ചെറിയ വേവ്സ് നൽകുന്നതാണ്. മുടി അഴിച്ചിടാൻ ഇഷ്ടമല്ലെങ്കിൽ ഒരു ക്ലോ ക്ലിപ്പ് ഉപയോഗിച്ച് കാഷ്വൽ ആയി കെട്ടി വെയ്ക്കാം.

ഓർക്കേണ്ട പ്രധാന കാര്യങ്ങൾ

• പെർഫ്യൂം: പൂക്കളുടെ സുഗന്ധമുള്ള ഒരു ലൈറ്റ് പെർഫ്യൂം ഉപയോഗിക്കാൻ മറക്കരുത്. വാനില അല്ലെങ്കിൽ റോസ് സുഗന്ധങ്ങൾ നിങ്ങളുടെ 'വൈബ്' വർദ്ധിപ്പിക്കും.
• കോൺഫിഡൻസ്: നിങ്ങൾ എന്ത് ധരിക്കുന്നു എന്നതിനേക്കാൾ പ്രധാനം നിങ്ങൾ അത് എങ്ങനെ ധരിക്കുന്നു എന്നതാണ്. നിങ്ങളുടെ പുഞ്ചിരിയാണ് ഏറ്റവും വലിയ സൗന്ദര്യം.
• ഹാൻഡ് ബാഗ്: ഒരു ചെറിയ ബാഗ് അല്ലെങ്കിൽ ക്ലച്ച് ബാഗ് മാത്രം കരുതുക. വലിയ ബാഗുകൾ നിങ്ങളുടെ സ്റ്റൈലിഷ് ലുക്കിനെ ബാധിച്ചേക്കാം.

റോസ് ഡേ എന്നത് സ്നേഹത്തിന്റെയും സൗഹൃദത്തിന്റെയും ആഘോഷമാണ്. ചുവന്ന റോസാപ്പൂവ് പോലെ തന്നെ മനോഹരമായി ഒരുങ്ങുന്നത് നിങ്ങളുടെ ആത്മവിശ്വാസം വർദ്ധിപ്പിക്കും.