മുഖത്തെ കറുത്ത പാടുകൾ അകറ്റാന് പരീക്ഷിക്കേണ്ട തേന് കൊണ്ടുള്ള നാല് ഫേസ് പാക്കുകള്
Synopsis
കറുത്തപാടുകൾ, മുഖക്കുരു എന്നിവയെ അകറ്റാനും ചര്മ്മം മൃദുലവും സുന്ദരവുമാക്കാനും തേന് സഹായിക്കും.
മുഖത്തെ കറുത്ത പാടുകൾ, മുഖക്കുരു എന്നിവയെ അകറ്റാനും ചര്മ്മം മൃദുലവും സുന്ദരവുമാക്കാനും തേന് സഹായിക്കും. അത്തരത്തില് തേന് കൊണ്ടുള്ള ചില ഫേസ് പാക്കുകളെ പരിചയപ്പെടാം.
1. കടലമാവ്, തൈര്, തേന്
രണ്ട് ടീസ്പൂണ് തൈരും ഒരു ടീസ്പൂണ് കടലമാവും ഒരു സ്പൂണ് തേനും ചേര്ത്ത് മിശ്രിതമാക്കുക. ശേഷം ഈ മിശ്രിതം മുഖത്ത് പുരട്ടാം. 20 മിനിറ്റിന് ശേഷം കഴുകി കളയാം. മുഖത്തെ കറുത്ത പാടുകളെ അകറ്റാന് ഈ പാക്ക് സഹായിക്കും.
2. അരിപ്പൊടി, തൈര്, മഞ്ഞള്, തേന്
രണ്ട് ടീസ്പൂണ് തൈരും ഒരു ടീസ്പൂണ് അരിപ്പൊടിയും മിശ്രിതമാക്കുക. ശേഷം ഇതിലേയ്ക്ക് ഒരു നുള്ള് മഞ്ഞള്പ്പൊടിയും കുറച്ച് തേനും ചേര്ക്കുക. ഇനി ഈ മിശ്രിതം മുഖത്തും കഴുത്തിലും പുരട്ടുക. 20 മിനിറ്റിന് ശേഷം കഴുകി കളയാം.
3. കോഫി, മഞ്ഞള്, തേന്
ഒരു ടീസ്പൂണ് കോഫിയും അര ടീസ്പൂണ് മഞ്ഞളും രണ്ട് ടീസ്പൂണ് തേനും ചേര്ത്ത് മിശ്രിതമാക്കാം. ശേഷം ഈ മിശ്രിതം മുഖത്ത് പുരട്ടി അഞ്ച് മിനിറ്റ് നന്നായി മസാജ് ചെയ്യാം. 15 മിനിറ്റിന് ശേഷം കഴുകി കളയാം. കറുത്ത പാടുകള്, ചുളിവുകള് എന്നിവയെ തടയാന് ഈ പാക്ക് സഹായിക്കും.
4. പഴം, തേന്
രണ്ട് ടേബിൾസ്പൂൺ തേനും ഒരു പഴവും നല്ല കുഴമ്പു രൂപത്തിലാക്കുക. ശേഷം ഈ മിശ്രിതം മുഖത്ത് പുരട്ടാം. 20 മിനിറ്റിന് ശേഷം മുഖം കഴുകാം.
ശ്രദ്ധിക്കുക: അലർജി സംബന്ധമായ പ്രശ്നങ്ങളില്ലെന്ന് ഉറപ്പാക്കാൻ പാക്കുകളും സ്ക്രബുകളും ഉപയോഗിക്കുന്നതിന് മുമ്പ് പാച്ച് ടെസ്റ്റ് ചെയ്യുക. അതുപോലെ തന്നെ ഒരു ഡോക്ടറെ 'കൺസൾട്ട്' ചെയ്തതിന് ശേഷം മാത്രം മുഖത്ത് പരീക്ഷണങ്ങള് നടത്തുന്നതാണ് ഉത്തമം.
Also read: തലമുടി നല്ലതുപോലെ വളരാന് സഹായിക്കുന്ന ആറ് ഭക്ഷണങ്ങള്