7801 ഡയമണ്ടുകളുമായി ഒരു മോതിരം; ഗിന്നസ് റെക്കോർഡില്‍ ഇടം നേടി വ്യാപാരി !

 7801 ഡയമണ്ടുകൾ കൊണ്ടാണ് മോതിരം പണിയിച്ചിരിക്കുന്നത്. എട്ട് ദളങ്ങൾ വീതമുള്ള ആറ് പാളികളായാണ് മോതിരം നിര്‍മ്മിച്ചിരിക്കുന്നത്. 

ഏറ്റവുമധികം ഡയമണ്ടുകളുമായി ഒരു മോതിരം പണിയിച്ച് ഗിന്നസ് ലോക റെക്കോർഡ് സ്വന്തമാക്കി ഹൈദരാബാദിലെ സ്വർണ വ്യാപാരി. ഹൈദരാബാദിലെ കോട്ടി ശ്രീകാന്ത് എന്ന സ്വര്‍ണ വ്യാപാരിയാണ് ഗിന്നസ് റെക്കോർഡ് നേടിയത്. 7801 ഡയമണ്ടുകൾ കൊണ്ടാണ് മോതിരം പണിയിച്ചിരിക്കുന്നത്. 

'ദി ഡിവൈൻ- 7801 ബ്രഹ്മ വജ്ര കമലം' എന്നാണ് മോതിരത്തിന് പേരിട്ടിരിക്കുന്നത്. എട്ട് ദളങ്ങൾ വീതമുള്ള ആറ് പാളികളായാണ് മോതിരം നിര്‍മ്മിച്ചിരിക്കുന്നത്. 

2018 ലാണ് ഇങ്ങനെയൊരു മോതിരത്തെ കുറിച്ച് ആദ്യം ആലോചിച്ചത്. 11 മാസം എടുത്താണ് മോതിരം പൂർത്തിയാക്കിയത് എന്നും  വ്യാപാരി പറയുന്നു. ‘ഏറ്റവും കൂടുതൽ ഡയമണ്ടുകളുള്ള മോതിരം’എന്ന ബഹുമതിയാണ് മോതിരം സ്വന്തമാക്കിയിരിക്കുന്നത്.