താരന്‍ അകറ്റാന്‍ വീട്ടില്‍ പരീക്ഷിക്കേണ്ട ഹെയര്‍ പാക്കുകള്‍

തലമുടിയുടെ ആരോഗ്യം സംരക്ഷണ കാര്യത്തില്‍ കുറച്ചധികം ശ്രദ്ധിച്ചാല്‍ തന്നെ താരനെ തടയാന്‍ സാധിക്കും.

താരനാണോ നിങ്ങളെ അലട്ടുന്ന പ്രശ്നം? തലമുടിയുടെ ആരോഗ്യം സംരക്ഷണ കാര്യത്തില്‍ കുറച്ചധികം ശ്രദ്ധിച്ചാല്‍ തന്നെ താരനെ തടയാന്‍ സാധിക്കും. അത്തരത്തില്‍ താരനകറ്റാൻ സഹായിക്കുന്ന ചില ഹെയര്‍ പാക്കുകളെ പരിചയപ്പെടാം.

1. ഉലുവ + മുട്ടയുടെ വെള്ള

ഒരു മുട്ടയുടെ വെള്ളയും രണ്ട് സ്പൂണ്‍ ഉലുവ അരച്ചതും ഒരു ടീസ്‌പൂൺ നാരങ്ങാനീരും ചേര്‍ത്ത്

മിശ്രിതമാക്കി തലയിൽ പുരട്ടാം. പതിനഞ്ച് മിനിറ്റിന് ശേഷം കഴുകിക്കളയാം. ഇത് പതിവായി ചെയ്യുന്നത് താരന്‍ അകറ്റാന്‍ സഹായിക്കും.

2. കറ്റാര്‍വാഴ ജെല്‍ + നാരങ്ങാ നീര്

കറ്റാര്‍വാഴയുടെ ജെല്ലും നാരങ്ങാ നീരും മിശ്രിതമാക്കി ശിരോചർമ്മത്തിൽ പുരട്ടി നന്നായി മസാജ് ചെയ്യാം. 30 മിനിറ്റിന് ശേഷം ഷാംമ്പൂ ഉപയോഗിച്ച് കഴുകി കളയാം. പതിവായി ഇങ്ങനെ ചെയ്യുന്നതും താരനെ അകറ്റാന്‍ സഹായിക്കും.

3. ഉള്ളി + നാരങ്ങാ നീര്

ഉള്ളിയുടെ നീരും നാരങ്ങാ നീരും സമം ചേര്‍ത്ത് യോജിപ്പിച്ച് തലയില്‍ പുരട്ടുന്നതും താരന്‍ മാറാന്‍ സഹായിക്കും

4. തൈര് + കറ്റാര്‍വാഴ ജെല്‍

അര കപ്പ് തൈരിലേയ്ക്ക് കറ്റാര്‍വാഴ ജെല്‍ ചേര്‍ത്ത് മിശ്രിതമാക്കുക. ശേഷം ഈ മിശ്രിതം മുടിയില്‍ പുരട്ടി 30 മിനിറ്റിന് ശേഷം കഴുകി കളയാം.

5. തൈര് + ഉപ്പ്

പുളിച്ച തൈര് അല്‍പ്പം ഉപ്പും ചേര്‍ത്ത് തലയില്‍ പുരട്ടുക. ഒരു മണിക്കൂറിനുശേഷം കഴുകിക്കളയാം.