കൊവിഡ് ജാഗ്രതക്കിടയിലും മുത്തങ്ങ വഴി ലഹരിക്കടത്ത്; 15000 പായ്ക്കറ്റ് ഹാന്സ് പിടികൂടി
Synopsis
കൊവിഡ് 19 പ്രതിരോധ പ്രവര്ത്തനങ്ങളുടെ ഭാഗമായി അതിര്ത്തി ചെക്പോസ്റ്റുകളിലെല്ലാം കനത്ത കാവലും പരിശോധനകളും നടക്കുകയാണ
കല്പ്പറ്റ: മുത്തങ്ങ എക്സൈസ് ചെക്ക് പോസ്റ്റില് ലോറിയില് കടത്തുകയായിരുന്ന ഹാന്സ് പാക്കറ്റുകള് പിടികൂടി. എക്സൈസ് ഇന്റലിജന്സ് നല്കിയ രഹസ്യ വിവരത്തിന്റെ അടിസ്ഥാനത്തിലായിരുന്നു പരിശോധന. കൊവിഡ് 19 പ്രതിരോധ പ്രവര്ത്തനങ്ങളുടെ ഭാഗമായി അതിര്ത്തി ചെക്പോസ്റ്റുകളിലെല്ലാം കനത്ത കാവലും പരിശോധനകളും നടക്കുകയാണ്.
ഡ്രൈവറും സഹായിയും മാത്രമുള്ള ചരക്ക് വാഹനങ്ങളെ എല്ലാം വലിയ പരിശോധന കൂടാതെ കടത്തിവിടുന്നുണ്ട്. ഇത് മുതലെടുത്താണ് മറ്റ് ചരക്കുകള്ക്കൊപ്പം ലഹരിമരുന്ന് കടത്തിയതെന്നാണ് നിഗമനം. 15000 പായ്ക്കറ്റ് ഹാന്സാണ് പിടികൂടിയത്. സംഭവുമായി ബന്ധപ്പെട്ട് കൊടുവള്ളി വെണ്ണക്കാട് സ്വദേശി സലീം എന്നയാളെ അറസ്റ്റു ചെയ്തു.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam