കോഴിക്കോട് ബീച്ചില് കളിച്ചുകൊണ്ടിരുന്ന 9 വയസുകാരനെ ഷെഡ്ഡിലെത്തിച്ച് പീഡിപ്പിച്ചു; 26 കാരന് 20 വര്ഷം കഠിന തടവ്
Synopsis
മീന്പിടിക്കാന് എത്തിയ ബിനോയ് ബീച്ചില് കളിച്ചുകൊണ്ടിരിക്കുകയായിരുന്ന കുട്ടിയെ പീഡിപ്പിക്കുകയായിരുന്നു.
കോഴിക്കോട്: ഒന്പത് വയസ്സുകാരനായ കുട്ടിയെ ലൈംഗികമായി പീഡിപ്പിച്ച കേസിൽ പ്രതിക്ക് ശിക്ഷ വിധിച്ച് കോടതി. തിരുവനന്തപുരം നെയ്യാറ്റിന്കര സ്വദേശി പുരയിടം വീട്ടില് ബിനോയി(26)യെയാണ് 20 വര്ഷം കഠിന തടവിനും 41,000 രൂപ പിഴയൊടുക്കാനും കോടതി വിധിച്ചത്. കൊയിലാണ്ടി ഫാസ്റ്റ്ട്രാക്ക് സ്പെഷ്യല് കോടതി ജഡ്ജ് കെ. നൗഷാദലിയുടേതാണ് വിധി. 2022ല് മൂടാടി മുത്തായം ബീച്ചിലാണ് സംഭവം നടന്നത്.
മീന്പിടിക്കാന് എത്തിയ ബിനോയ് ബീച്ചില് കളിച്ചുകൊണ്ടിരിക്കുകയായിരുന്ന കുട്ടിയെ താൻ താമസിക്കുന്ന ഷെഡ്ഡിലേക്ക് കൊണ്ടുപോകുകയും ലൈംഗികമായി പീഡിപ്പിക്കുകയുമായിരുന്നു. കുട്ടി രക്ഷിതാക്കളോട് വിവരം പറയുകയും പിന്നീട് പോലീസ് കേസ് രജിസ്റ്റര് ചെയ്യുകയും ചെയ്തു. കൊയിലാണ്ടി പൊലീസ് ഇന്സ്പെക്ടര് എന് സുനില് കുമാറാണ് അന്വേഷണം നടത്തിയത്. പ്രോസിക്യൂഷന് വേണ്ടി അഡ്വ. പി ജെതിന് ഹാജരായി.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam