മദ്യക്കടത്ത്; മാഹിയില് 40 ലിറ്റര് മദ്യം പിടികൂടി, പ്രതി ഓടി രക്ഷപ്പെട്ടു
Synopsis
മാഹിയില് നിന്ന് കടത്താന് ശ്രമിച്ച 40 ലിറ്റര് മദ്യം എക്സൈസ് പിടികൂടി. പ്രതി ഓടി രക്ഷപ്പെട്ടു.
കോഴിക്കോട്: മാഹിയിൽ നിന്നു കടത്താന് ശ്രമിച്ച 40 ലിറ്റര് മദ്യം എക്സൈസ് പിടികൂടി. മദ്യം കടത്താൻ ഉപയോഗിച്ച സ്കൂട്ടറും കസ്റ്റഡിയിലെടുത്തു. പ്രതിയെ പിടികൂടാനായില്ല. ഇന്ന് പുലർച്ചെ 5.15 ന് വടകരയിലായിരുന്നു സംഭവം.
500 മില്ലിലിറ്ററിന്റെ 80 കുപ്പികളിലായിരുന്നു മദ്യം. കൈ കാണിച്ചിട്ടും നിർത്താതെ പോയ വാഹനത്ത പിന്തുടർന്നെങ്കിലും പ്രതി മദ്യമടങ്ങിയ ബാഗും വാഹനവും ഉപേക്ഷിച്ച് ഇടവഴിയിലൂടെ ഓടി രക്ഷപ്പെടുകയായിരുന്നു. കോഴിക്കോട് എക്സൈസ് ഐബിയിലെ പ്രീവന്റീവ് ഓഫീസർ റിമേഷ്, വടകര റെയിഞ്ചിലെ പ്രിവന്റീവ് ഓഫീസർ എം.ഹാരിസ്, സിവിൽ എക്സൈസ് ഓഫീസർമാരായ രാകേഷ് ബാബു, ഷിജിൽ, എക്സൈസ് ഡ്രൈവർ ബബിൻ എന്നിവർ ചേർന്നാണ് വാഹന പരിശോധന നടത്തിയത്. ക്രിസ്മസ്-ന്യൂ ഇയർ പ്രമാണിച്ച് മദ്യക്കടത്ത് കൂടാൻ സാധ്യതയുള്ളതിനാൽ പരിശോധന ശക്തമാക്കിയതായി എക്സൈസ്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam