ഓണത്തിന് നാട്ടിലേക്കെത്താൻ റെയിൽവേ സ്റ്റേഷനിൽ എത്തിയ 48കാരൻ കുഴഞ്ഞു വീണ് മരിച്ചു

ഓണാവധിക്കായി നാട്ടിലേക്ക് വന്ന തിരുവനന്തപുരം സ്വദേശി റെയിൽവേ സ്റ്റേഷനിൽ കുഴഞ്ഞുവീണു മരിച്ചു. ഗുജറാത്തിൽ ടയർ പഞ്ചർ കട നടത്തിയിരുന്ന ഷൈജുവാണ് മരിച്ചത്. കുഴഞ്ഞുവീണയാളെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

തിരുവനന്തപുരം: ഓണാവധിക്ക് നാട്ടിലേക്ക് വരുന്നതിനായി റെയിൽവേ സ്റ്റേഷനിൽ എത്തിയ തിരുവനന്തപുരം സ്വദേശി കുഴഞ്ഞു വീണു മരിച്ചു. ഭരതന്നൂർ മാറനാട് തുറ്റിയറ ശ്രേയസിൽ ഡി.എസ്.ഷൈജു(48) ആണ് മരണപ്പെട്ടത്. വർഷങ്ങളായി ഗുജറാത്തിലെ സൂറത്ത് ജില്ലയിൽ മാണ്ട്വി എന്ന സ്ഥലത്ത് ടയർ പഞ്ചർ കട നടത്തിവന്ന ഷൈജു തിങ്കളാഴ്ച രാവിലെയാണ് മരിച്ചത്. 

നാട്ടിലേക്ക് വരാൻ റെയിൽവേ സ്റ്റേഷനിൽ എത്തിയതിനു പിന്നാലെ ഇദ്ദേഹത്തിന് ദേഹാസ്വാസ്ഥ്യം അനുഭവപ്പെട്ട് കുഴ‍ഞ്ഞു വീഴുകയുമായിരുന്നു. സ്റ്റേഷനിലുണ്ടായിരുന്നവർ ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം നാട്ടിലെത്തിച്ച് ഇന്നലെ രാത്രിയോടെ സംസ്കരിച്ചു. ഭാര്യ:വി.എസ്.ഷീബ. മകൻ:ശ്രേയസ്.