വാട്സ്ആപ്പ് വഴി ആവശ്യക്കാരെ വിളിച്ചുവരുത്തി കഞ്ചാവ് വില്പന; 56കാരൻ പിടിയില്
Synopsis
തിരൂര് പൊലീസ് സ്റ്റേഷന് പരിധിയില് ലഹരി വില്പനക്കാരെ പിടികൂടുന്നതിനായി തിരൂര് സിഐ മുഹമ്മദ് റഫീക്കിന്റെ നേതൃത്വത്തില് പരിശോധന നടത്തി വരികയായിരുന്നു. പ്രതിയുടെ കൈയില് നിന്നും വില്പനക്കായി സൂക്ഷിച്ചിരുന്ന കഞ്ചാവ് പൊലീസ് കണ്ടെടുത്തു
മലപ്പുറം: ബിപി അങ്ങാടിയില് കഞ്ചാവ് വില്പന നടത്തുന്നതിനിടെ മധ്യവയസ്കന് തിരൂര് പൊലീസിന്റെ പിടിയില്. അരിക്കാഞ്ചിറ സ്വദേശി അബ്ദുല് റസാഖിനെയാണ് (56) തിരൂര് പൊലീസ് പിടികൂടിയത്. തിരൂര് പൊലീസ് സ്റ്റേഷന് പരിധിയില് ലഹരി വില്പനക്കാരെ പിടികൂടുന്നതിനായി തിരൂര് സിഐ മുഹമ്മദ് റഫീക്കിന്റെ നേതൃത്വത്തില് പരിശോധന നടത്തി വരികയായിരുന്നു. പ്രതിയുടെ കൈയില് നിന്നും വില്പനക്കായി സൂക്ഷിച്ചിരുന്ന കഞ്ചാവ് പൊലീസ് കണ്ടെടുത്തു. വാട്സ്ആപ് വഴി ആവശ്യക്കാരെ വിളിച്ചുവരുത്തി കച്ചവടം നടത്തുന്നതാണ് രീതിയെന്ന് പൊലീസ് പറഞ്ഞു.
ഇയാളുടെ ഫോണ് പരിശോധിച്ചതില് നിരവധി ആളുകള് കഞ്ചാവിനായി മെസേജുകള് അയക്കുന്നതായും വിളിക്കുന്നതായും പൊലീസ് കണ്ടെത്തി. പൊലീസിന് ലഭിച്ച രഹസ്യ വിവരത്തെ തുടര്ന്നാണ് അബ്ദുല് റസാഖിനെ അറസ്റ്റ് ചെയ്തത്. തിരൂര് സി.ഐ മുഹമ്മദ് റഫീക്കിന്റെ നേതൃത്വത്തില് എസ്. ഐ സുജിത്ത്, നിര്മല്, സീനിയര് സി.പി.ഒ സുജിത്ത്, സി.പി.ഒമാരായ ടോണി, ശ്രീജേഷ് ബാല് എന്നിവരടങ്ങിയ സംഘമാണ് പ്രതിയെ പിടികൂടിയത്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam