വയറുവേദനയുമായി ആശുപത്രിയിലെത്തിയ 14കാരി രണ്ട് മാസം ഗര്‍ഭിണി; ആര്യനാട് 56കാരൻ അറസ്റ്റിൽ

ആര്യനാട്ടിൽ 14 വയസുകാരിയെ പീഡിപ്പിച്ച് ഗർഭിണിയാക്കിയ കേസിൽ 56 വയസ്സുകാരനായ ഇൻവാസ് അറസ്റ്റിലായി. 

തിരുവനന്തപുരം: ആര്യനാട് 14 വയസുകാരിയെ പീഡിപ്പിച്ച് ഗർഭിണിയാക്കിയ കേസിൽ 56 വയസ്സുകാരൻ അറസ്റ്റിൽ. അന്തിയറ സ്വദേശി ഇൻവാസ് ആണ് പിടിയിലായത്. കഴിഞ്ഞ ദിവസം വയറുവേദന അനുഭവപ്പെട്ട പെൺകുട്ടിയെ നെടുമങ്ങാട് ജില്ലാ ആശുപത്രിയിൽ ചികിത്സക്കെത്തിച്ചപ്പോഴാണ് രണ്ട് മാസം ഗർഭിണിയാണെന്ന് കണ്ടെത്തിയത്. തുടർന്ന് നടത്തിയ അന്വേഷണത്തിലാണ് ഇൻവാസ് പിടിയിലായത്. പൊലീസ് കേസെടുത്ത് വിശദമായ അന്വേഷണം ആരംഭിച്ചു.