പടക്കം സൂക്ഷിക്കുന്ന ഗോഡൗണിന് തീപിടിച്ചു; അ​ഗ്നിരക്ഷാ സേന സ്ഥലത്ത്; തീയണക്കാൻ ശ്രമം

അഗ്‌നി രക്ഷാസേന സ്ഥലത്തെത്തി തീ അണയ്ക്കാനുള്ള ശ്രമം തുടരുന്നു. 

തൃശൂർ: തൃശൂർ ജില്ലയിലെ കുന്നംകുളം മരത്തംകോട് വെള്ളത്തിരുത്തിയില്‍ പടക്കം സൂക്ഷിക്കുന്ന ഗോഡൗണിന് തീ പിടിച്ചു. വടക്കാഞ്ചേരി അഗ്‌നി രക്ഷാസേന സ്ഥലത്തെത്തി തീ അണയ്ക്കാനുള്ള ശ്രമം തുടരുന്നു. കഴിഞ്ഞ ദിവസം കൊച്ചിയിൽ കിൻഫ്രാ പാർക്കിലെ സ്വകാര്യ സ്ഥാപനത്തിൽ തീപിടുത്തം നടന്നിരുന്നു. 

എറണാകുളം കാക്കനാട് ഇൻഫോപാർക്കിന് സമീപം വൻ തീപിടിത്തം. ജിയോ ഇൻഫോപാർക്ക് കെട്ടിടത്തിലാണ് തീപിടിച്ചത്. വൈകിട്ട് ആറുമണിയോടെയായിരുന്നു കെട്ടിടം കത്തിയത്. പതിനഞ്ച് അഗ്നി രക്ഷാ യൂണിറ്റുകളെത്തി മൂന്ന് മണിക്കൂർ നേരത്തെ ശ്രമത്തിനു ശേഷം രാത്രി ഒമ്പതു മണിയോടെയാണ് തീയണക്കാനായത്. അപകടത്തിനിടെ കെട്ടിടത്തിനുള്ളിൽ പെട്ട നാല് പേര്‍ക്ക് പരിക്കേറ്റു.