യുവതിയും യുവാവും ആറ്റിലേക്ക് ചാടി; രക്ഷാപ്രവർത്തനത്തിനിടെ ഫയർഫോഴ്സ് ജീവനക്കാരന്റെ കൈവിരൽ ഒടിഞ്ഞു

പാലത്തിന്‍റെ തൂണിന്​ താ​ഴെയുള്ള പരിശോധനക്കിടെ ബോട്ട്​ തൂണിൽ ഇടിക്കുകയും കൈ​ബോട്ടിനും തൂണിനും ഇടയിൽപെട്ട്​ അമർന്ന്​ വിരൽ ഒടിയുകയുമായിരുന്നു​. 

ആലപ്പുഴ: ആറ്റിൽ ചാടിയവരെ കണ്ടെത്താനുള്ള തെരച്ചിലിനിടെ അഗ്നിരക്ഷാസേനയിലെ സ്കൂബ ഡ്രൈവറുടെ കൈവിരൽ ഒടിഞ്ഞു​. ആലപ്പുഴ അഗ്നിരക്ഷാസേന യൂനിറ്റിലെ സ്കൂബ ഡ്രൈവർ കെആർ അനീഷിന്‍റെ വിരലാണ്​ ഒടിഞ്ഞത്​. ഞായറാഴ്ചയാണ്​ സംഭവം. മൂന്നുദിവസം മുമ്പ്​ പള്ളാത്തുരുത്തി പാലത്തിൽ നിന്ന്​ യുവതിയും യുവാവും ആറ്റിലേക്ക് ചാടുകയായിരുന്നു. 

പാലത്തിന്‍റെ തൂണിന്​ താ​ഴെയുള്ള പരിശോധനക്കിടെ ബോട്ട്​ തൂണിൽ ഇടിക്കുകയും കൈ​ബോട്ടിനും തൂണിനും ഇടയിൽപെട്ട്​ അമർന്ന്​ വിരൽ ഒടിയുകയുമായിരുന്നു​. തുടർന്ന്​ ആലപ്പുഴ ജനറൽ ആശുപ​ത്രിയിലെത്തിച്ച്​ പ്രഥമശ്രുശൂഷ നൽകി. പിന്നീട്​ സ്വകാര്യ ആശുപത്രിയിൽ ​പ്രവേശിപ്പിച്ച്​ ശസ്​ത്രക്രിയ നടത്തുകയായിരുന്നു. 

കഴിഞ്ഞ വെള്ളിയാഴ്ച പുലർച്ച മൂന്നിനാണ്​ സംഭവം. യുവതിയും യുവാവും ആറ്റിൽ ചാടുകയായിരുന്നു. ലോറി ഡ്രൈവർമാരാണ്​ സംഭവം ആദ്യം ക​ണ്ടത്​. വിവരത്തിന്റെ അടിസ്ഥാനത്തിൽ സ്കൂബ ടീമിന്‍റെ നേതൃത്വത്തിൽ നാലുദിവസമായി പ്രദേശത്ത്​ തെരച്ചിൽ നടത്തി. ഇതിനിടയിലാണ് അപകടമുണ്ടായത്. അതേസമയം, ആറ്റിൽ ചാടിയ യുവതിയേയും യുവാവിനേയും കുറിച്ച് ഇതുവരെ സൂചനകളൊന്നും ലഭിച്ചിട്ടില്ലെന്നാണ് വിവരം.  

https://www.youtube.com/watch?v=Ko18SgceYX8