ബൈക്കിൽ നിന്നൊരു പൊതി താഴെ വീണു, സ്കൂട്ടറിലെത്തിയ ആസിഫ് അത് കൈക്കലാക്കി, എല്ലാം സിസിടിവി കണ്ടു; പൊലീസ് പൊക്കി
Synopsis
സംഭവം അടുത്തുള്ള സിസിടിവി കാമറയിൽ പതിയുകയും ആലപ്പുഴ എക്സൈസ് സൈബർ സെൽ ഇത് സ്ക്വാഡ് ടീമിന് കൈമാറുകയും ചെയ്തു.
ആലപ്പുഴ: എരമല്ലൂരിൽ നിന്ന് 2.5 കിലോഗ്രാം കഞ്ചാവുമായി യുവാവ് പിടിയിൽ. എഴുപുന്ന പഞ്ചായത്ത് ആറാം വാർഡ് സുബൈർ മൻസിലിൽ മുഹമ്മദ് ആസിഫിനെ(29) ആണ് എക്സൈസ് ആലപ്പുഴ സ്പെഷ്യൽ സ്ക്വാഡ് സിഐ മഹേഷും സംഘവും പിടികൂടിയത്. കഴിഞ്ഞ ദിവസം വൈകിട്ട് എരമല്ലൂർ ജംങ്ഷന് സമീപത്ത് വെച്ച് ബൈക്കിൽ പോവുകയായിരുന്ന രണ്ട് പേരുടെ ബാഗിൽ നിന്ന് കഞ്ചാവ് റോഡിൽ വീഴുകയും പിന്നാലെ മറ്റൊരു സ്കൂട്ടറിൽ വന്ന ആസിഫ് ഇത് കൈക്കലാക്കുകയുമായിരുന്നു. സംഭവം അടുത്തുള്ള സിസിടിവി കാമറയിൽ പതിയുകയും ആലപ്പുഴ എക്സൈസ് സൈബർ സെൽ ഇത് സ്ക്വാഡ് ടീമിന് കൈമാറുകയും ചെയ്തു. പിന്നീട് പ്രതിയെ വീടിന് സമീപത്ത് നിന്ന് അറസ്റ്റ് ചെയ്യുകയായിരുന്നു.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam