മര്ദ്ദിച്ചെന്ന് പരാതി നല്കി ഭാര്യ; അന്വേഷിക്കാനെത്തിയ പൊലീസുകാരെ വടി കൊണ്ട് ആക്രമിച്ച് പ്രതി
Synopsis
വടി കൊണ്ടുള്ള അടിയേറ്റ് എഎസ്ഐ വിനോദിന് തലയ്ക്കാണ് പരിക്കേറ്റത്.
കോഴിക്കോട്: കോഴിക്കോട് കൊയിലാണ്ടിയിൽ പൊലീസിന് നേരെ ആക്രമണം. ചെങ്ങോട്ട്കാവ് മാടാക്കര സ്വദേശി അബ്ദുൾ റൗഫാണ് മാരകായുധങ്ങളുപയോഗിച്ച് പൊലീസിനെ ആക്രമിച്ചത്. മർദ്ദിച്ചുവെന്ന് ഭാര്യ നൽകിയ പരാതി അന്വേഷിക്കാനായി മാടാക്കരയിലെ പ്രതിയുടെ വീട്ടിലെത്തിയപ്പോഴാണ് ആക്രമണം. വടി കൊണ്ടുള്ള അടിയേറ്റ് 3 പൊലീസുകാർക്ക് പരിക്കേറ്റു. എഎസ്ഐ വിനോദിന് തലയ്ക്കാണ് പരിക്കേറ്റത്. ഇവരെ കൊയിലാണ്ടി താലൂക്ക് ആശുപത്രിയിൽ പ്രവേശിപ്പിച്ചു. പൊലീസുകാരെ ആക്രമിച്ച ശേഷം പ്രതി സ്വയം തല ഭിത്തിയിലിടിച്ച് പൊട്ടിച്ചു. ഇയാളെ കോടതിയിൽ ഹാജരാക്കി റിമാന്റ് ചെയ്ത ശേഷം ആശുപത്രിയിൽ പ്രവേശിപ്പിച്ചു.