പകല്‍ സമയത്ത് നീണ്ടകരയില്‍ മത്സ്യബന്ധനം, രാത്രി ആലപ്പുഴയില്‍ മോഷണം ; നിരവധി മോഷണക്കേസുകളിലെ പ്രതി പിടിയില്‍

Published : Dec 13, 2024, 01:16 PM IST
പകല്‍ സമയത്ത് നീണ്ടകരയില്‍ മത്സ്യബന്ധനം, രാത്രി ആലപ്പുഴയില്‍ മോഷണം ; നിരവധി മോഷണക്കേസുകളിലെ പ്രതി പിടിയില്‍

Synopsis

കെഎസ്ആർടിസി ബസിൽ നിന്നാണ് പിടികൂടിയത്. ആലപ്പുഴ നോർത്തിൽ മാത്രം മൂന്നു കേസുകൾ രജിസ്റ്റർ ചെയ്തിട്ടുണ്ട്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. 

അമ്പലപ്പുഴ: ആലപ്പുഴ ടൗണിലെ നിരവധി പള്ളികളിലും ക്ഷേത്രങ്ങളിലും മോഷണം നടത്തിയ പ്രതിയെ ആലപ്പുഴ നോർത്ത് പോലീസ് പിടികൂടി. പുന്നപ്ര വടക്ക് പഞ്ചായത്ത് പത്താം വാർഡിൽ സനാതനപുരം പേരൂർ കോളനിയിൽ സുമേഷ് (38) നെയാണ് ആലപ്പുഴ നോർത്ത് പോലീസ് ദിവസങ്ങളായുള്ള അന്വേഷണത്തിലൂടെ പിടികൂടിയത്. തുമ്പോളി പള്ളിയിൽ രണ്ടുമാസം മുമ്പ് നടന്ന മോഷണ കേസിൽ റിമാൻഡിൽ കഴിഞ്ഞിരുന്ന പ്രതി കഴിഞ്ഞ മാസം 29നാണ് ജയിൽ മോചിതനായത്. 

ജയിൽ മോചിതനായ ശേഷം ആലപ്പുഴ നോർത്ത്, ആലപ്പുഴ സൗത്ത്, പുന്നപ്ര എന്നീ സ്റ്റേഷൻ പരിധികളിൽ മോഷണം നടത്തി. പ്രതിയെ പിടികൂടുന്നതിനായി നിരന്തരമായി പരിശ്രമിച്ചുകൊണ്ടിരിക്കവെയാണ് പ്രതിയെ ഇന്നലെ രാവിലെയോടു കൂടി പിടികൂടാനായത്. ആലപ്പുഴ ജില്ലയിൽ മാത്രം 23 ഓളം മോഷണക്കേസുകളിൽ പ്രതിയാണ് സുമേഷ്. 

കൊല്ലം ജില്ലയിൽ നീണ്ടകരയിൽ മത്സ്യബന്ധത്തിൽ ഏർപ്പെട്ടു കൊണ്ടിരുന്ന പ്രതി രാത്രികാലങ്ങളിൽ കെ. എസ്. ആർ. ടി. സി ബസ്സിൽ സഞ്ചരിച്ച് ആലപ്പുഴ ജില്ലയിലെത്തി ആരാധനാലയങ്ങളിൽ മോഷണം നടത്തി അതിരാവിലെ തിരികെ കൊല്ലത്തേക്ക് പോകുകയാണ് പതിവ്. മോഷണം നടത്തി തിരികെ പോകുന്ന വഴി വണ്ടാനം ഭാഗത്ത് വെച്ച് കെഎസ്ആർടിസി ബസിൽ നിന്നാണ് പിടികൂടിയത്. ആലപ്പുഴ നോർത്തിൽ മാത്രം മൂന്നു കേസുകൾ രജിസ്റ്റർ ചെയ്തിട്ടുണ്ട്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. 

ആലപ്പുഴ കളർകോട് അപകടം; വണ്ടാനം മെഡിക്കൽ കോളേജ് ഹോസ്റ്റലിൽ സമയ നിയന്ത്രണം

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം 

PREV

കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News  അപ്‌ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam

 

Read more Articles on
click me!

Recommended Stories

പൊള്ളുന്ന ചൂട്, ദാഹിച്ച് വലഞ്ഞ് അലഞ്ഞുനടന്നു; ഒടുവിൽ കണ്ട പ്ലാസ്റ്റിക് പാത്രത്തിൽ തലയിട്ട നായ കുടുങ്ങി; ഫയർ ഫോഴ്സ് രക്ഷകരായി
ജീവനക്കാർക്ക് തോന്നിയ സംശയം, വിശദമായ പരിശോധന; ആഴ്ചകളുടെ ഇടവേളയിൽ 2 തവണ മുക്കുപണ്ടം വെച്ച് തട്ടിപ്പ്; 2 പേർ അറസ്റ്റിൽ