അട്ടപ്പാടി മധുവിന്റെ അമ്മയും സഹോദരിയും മുഖ്യമന്ത്രിയെ സന്ദർശിച്ചു; വീടും ജോലിയും ഉറപ്പുനൽകി മുഖ്യമന്ത്രി

അട്ടപ്പാടിയിൽ കൊല്ലപ്പെട്ട മധുവിന്റെ അമ്മയും സഹോദരിയും മുഖ്യമന്ത്രിയെ സന്ദർശിച്ചു. അടച്ചുറപ്പുള്ള വീടും സഹോദരിക്ക് ജോലിയും നൽകണമെന്ന് അവർ ആവശ്യപ്പെട്ടു. സ്ഥലം കണ്ടെത്തിയാൽ വീട് നിർമ്മിച്ച് നൽകാമെന്നും ജോലിക്ക് അടിയന്തര നടപടിയെടുക്കാമെന്നും മുഖ്യമന്ത്രിയുടെ ഓഫീസ് ഉറപ്പുനൽകി.

തിരുവനന്തപുരം: അട്ടപ്പാടിയിൽ ആൾക്കൂട്ടം കൊലപ്പെടുത്തിയ മധുവിന്റെ അമ്മ മല്ലിയമ്മയും സഹോദരി സരസുവും ഇന്ന് രാവിലെ 11 മണിയോടെ നിയമസഭാ സമുച്ചയത്തിൽ മുഖ്യമന്ത്രി വി. ഡി സതീശനെ സന്ദർശിച്ചു. അടച്ചുറപ്പുള്ള വീട് അനുവദിക്കണമെന്നും സരസുവിന് ജോലി നൽകണമെന്നും ആവശ്യപ്പെട്ടാണ് ഇരുവരും മുഖ്യമന്ത്രിയെ സമീപിച്ചത്.

സ്ഥലം കണ്ടെത്തിയാൽ ഒരു മാസത്തിനകം വീട് നിർമിച്ച് നൽകുമെന്നും സരസുവിന് എത്രയും വേഗം ജോലി ലഭ്യമാക്കുന്നതിനുള്ള നടപടി സ്വീകരിക്കുമെന്നും മുഖ്യമന്ത്രി ഉറപ്പുനൽകി.