ബീവറേജ് കുത്തിത്തുറന്ന് 92000 രൂപയുടെ മദ്യം, 22000 രൂപയും മോഷ്ടിച്ചു; മോഷ്ടാക്കള് പിടിയിലായത് ഇങ്ങനെ
Synopsis
ഈമാസം എട്ടിനായിരുന്നു മോഷണം നടന്നത്. 22000 രൂപയും 92000 രൂപയുടെ മദ്യവുമാണ് ഇവര് മോഷ്ടിച്ചിരുന്നത്.
കല്പ്പറ്റ : തൊണ്ടർനാട് കോറോത്തെ ബീവറേജ് ഔട്ലറ്റിൽ മോഷണം നടത്തിയ രണ്ട് പേര് പൊലീസ് പിടിയില്. പേരാമ്പ്ര കൂത്താളി സ്വദേശി സതീശൻ (41) എറണാകുളം തൃപ്പൂണിത്തറ സ്വദേശി ബൈജു [49] എന്നിവരാണ് പിടിയിലായത്. ഈമാസം എട്ടിനായിരുന്നു മോഷണം നടന്നത്. 22000 രൂപയും 92000 രൂപയുടെ മദ്യവുമാണ് ഇവര് മോഷ്ടിച്ചിരുന്നത്.
പ്രതികളുടെ ചിത്രം നിരീക്ഷണ ക്യാമറയിൽ പതിഞ്ഞിരുന്നു. സിസിടിവിയില് പതിഞ്ഞ ദൃശ്യങ്ങളാണ് കേസില് നിര്ണായക തെളിവായത്. തൊണ്ടർനാട് പോലീസ് സ്റ്റേഷൻ ഇൻസ്പെക്ടർ എസ്. എച്ച്. ഓ എസ്. അഷ്റഫിന്റെ നേതൃത്വത്തിൽ എസ്.ഐമാരായ കെ.പി. അബ്ദുൽ അസീസ്, കെ. മൊയ്തു, ബിൻഷാദ് അലി, എസ്. സി.പി.ഒ. ജിമ്മി ജോർജ്, സി.പി.ഒ. മാരായ ശ്രീജേഷ്, ഷിന്റോ ജോസഫ് എന്നിവരാണ് പ്രതികളെ പിടികൂടിയത്.
കൃഷിനാശം, ജീവന് ഭീഷണി; മലപ്പുറത്ത് 90 കിലോ ഭാരമുള്ള കാട്ടുപന്നിയെ വെടിവെച്ചു കൊന്ന് നാട്ടുകാര്
ഏഷ്യാനെറ്റ് ന്യൂസ് ലൈവ് യീട്യൂബില് കാണാം..