പാടത്തെ വെള്ളക്കെട്ടിൽ വള്ളം മറിഞ്ഞ് വയോധികൻ മരിച്ചു

ചെറുവള്ളത്തിൽ ഇദ്ദേഹം സഞ്ചരിക്കുന്നത് നാട്ടുകാർ കണ്ടതായി വീയപുരം പൊലീസ് അറിയിച്ചു. 

ഹരിപ്പാട്: പാടത്തെ വെള്ളക്കെട്ടിൽ വള്ളം മറിഞ്ഞ് വയോധികൻ മരിച്ചു. ചെറുതന പാണ്ടി എഴുപത്തിയഞ്ചിൽ ചിറയിൽ വർഗീസിനെയാണ് ( 70 ) മരിച്ച നിലയിൽ കണ്ടെത്തിയത്. ചെറുതന കാഞ്ഞിരം തുരുത്ത് ഉമ്പുറി മുക്കിന് സമീപത്തെ പാടത്ത് ഇന്ന് രാവിലെ ഇദ്ദേഹത്തിന്റെ മൃതദേഹം കണ്ടെത്തുകയായിരുന്നു. 

വീട്ടിൽ ഒറ്റക്കാണ് വർഗീസ് താമസിച്ചിരുന്നതെന്ന് അയൽവാസികൾ പറയുന്നു. ചെറുവള്ളത്തിൽ ഇദ്ദേഹം സഞ്ചരിക്കുന്നത് നാട്ടുകാർ കണ്ടതായി വീയപുരം പൊലീസ് അറിയിച്ചു.