Young man drowned in the sea : കോഴിക്കോട്ട് കടലിൽ കാണാതായ യുവാവിന്റെ മൃതദേഹം കണ്ടെത്തി
Synopsis
കോഴിക്കോട് കടലില് കാണാതായ യുവാവിന്റെ മൃതദേഹം കണ്ടെത്തി.
കോഴിക്കോട്: കോഴിക്കോട് കടലില് കാണാതായ യുവാവിന്റെ മൃതദേഹം കണ്ടെത്തി. ഭട്ട് റോഡ് സ്വദേശി സായൂജാണ് (23) ഭട്ട് റോഡ് ബീച്ചില് ഫുട്ബോള് കളിക്കുന്നതിനിടയില് ഒഴുക്കില്പ്പെട്ടത്. കടലില് പോയ ബോള് എടുക്കാന് പോയപ്പോഴാണ് അപകടം സംഭവിച്ചതെന്ന് ദൃക്സാക്ഷികള് പറഞ്ഞു.
കോസ്റ്റല് പൊലീസിന്റെ നേതൃത്വത്തില് ഫയര്ഫോഴ്സും നാട്ടുകാരും ചേര്ന്ന് കടലില് നടത്തിയ തിരച്ചിലിനൊടുവിലാണ് മൃതദേഹം കണ്ടെത്തിയത്. മൃതദേഹം പോസ്റ്റ്മോര്ട്ടത്തിനായി കോഴിക്കോട് ബീച്ച് ആശുപത്രിയിലേക്ക് മാറ്റി.
നാല് വയസുകാരന്റെ തലയിലൂടെ ബസ് കയറിയിറങ്ങി; കാത്തിരുന്നുണ്ടായ കണ്മണിക്ക് ദാരുണാന്ത്യം
പത്ത് വര്ഷത്തെ കാത്തിരിപ്പിന് ശേഷമുണ്ടായ കണ്മണിക്ക് മാതാപിതാക്കളുടെ മുന്നില് വച്ച് ദാരുണാന്ത്യം. മാതാപിതാക്കള്ക്കൊപ്പം ബൈക്കില് സഞ്ചരിക്കുകയായിരുന്ന നാലുവയസുകാരനാണ് ബസ് കയറി കൊല്ലപ്പെട്ടത് (Road Accident). തിരുവനന്തപുരം കരകുളം കാച്ചാണ് അയണിക്കാട് വാരിക്കോണത്ത് ശ്രീഹരിയില് ബിജുകുമാറിന്റെയും സജിതയുടേയും ഏകമകനാണ് ഇന്നലെ വൈകുന്നേരം പാളയത്തുണ്ടായ അപകടത്തില് മരിച്ചത്.
നാലുവയസായിരുന്നു കുട്ടിയുടെ പ്രായം.ബിജുകുമാറിനും സജിതയപടേയും വിവാഹം കഴിഞ്ഞ് പത്ത് വര്ഷം കഴിഞ്ഞാണ് ശ്രീഹരി പിറക്കുന്നത്. കഴിഞ്ഞ സെപ്തംബറിലായിരുന്നു ശ്രീഹരിയുടെ നാലാം പിറന്നാള്. തമ്പാനൂര് ഭാഗത്തേക്ക് പോവുകയായിരുന്ന കെഎസ്ആര്ടിസി ബസ് ബിജുകുമാറും കുടുംബവും സഞ്ചരിച്ച ബൈക്കില് ഇടിച്ചാണ് അപകടമുണ്ടായത്.
ബൈക്കിന്റെ മുന്നിലായിരുന്നു നാലുവയസുകാരന് ഇടിയുടെ ആഘാതത്തില് തെറിച്ച് ബസിന് അടിയിലേക്ക് വീഴുകയായിരുന്നു. ബസിന്റെ ടയറുകള് ശ്രീഹരിയുടെ തലയില് കയറിയിറങ്ങി സംഭവ സ്ഥലത്ത് വച്ച് തന്നെ കുഞ്ഞ് മരിച്ചു. ബന്ധുവിന്റെ വിവാഹത്തില് പങ്കെടുക്കാന് പോവുകയായിരുന്നു ബിജുകുമാറും കുടുംബവും. പെയിന്റിംഗ് തൊഴിലാളിയാണ് ബിജു.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam