മുഖ്യമന്ത്രിയുടെ ചിത്രം മോർഫ് ചെയ്ത് സൗദി നമ്പറിലൂടെ പ്രചരിപ്പിച്ചു; മുസ്ലീംലീഗ് പ്രവർത്തകനെതിരെ കേസ്

സൗദി അറേബ്യയിലെ ഫോൺ നമ്പർ ഉപയോഗിച്ചാണ് സമൂഹമാധ്യമങ്ങളിൽ ഇയാൾ ഫോട്ടോകൾ പോസ്റ്റ് ചെയ്തത്

കോഴിക്കോട്: അശ്ലീല ചിത്രത്തോടൊപ്പം മുഖ്യമന്ത്രിയുടെ ചിത്രം മോർഫ് ചെയ്ത് പ്രചരിപ്പിച്ച മുസ്ലീംലീഗ് പ്രവർത്തകനെതിരെ താമരശേരി പൊലീസ് കേസ് എടുത്തു. കട്ടിപ്പാറ വെട്ടിഒഴിഞ്ഞതോട്ടം പാടത്തും കുഴിയിൽ  ഹമീദിനെതിരെയാണ് കേസെടുത്തത്. 

നമ്മുടെ കട്ടിപ്പാറ എന്ന വാട്‌സാപ് ഗ്രൂപ്പ് വഴി മുഖ്യമന്ത്രി പിണറായി വിജയന്റേയും, സിപിഎം സംസ്ഥാനസെക്രട്ടറി കൊടിയേരി ബാലകൃഷ്ണന്റെയും ചിത്രം മോർഫ് ചെയ്ത് അശ്ലീല ഫോട്ടോകൾ ചേർത്ത് പ്രചരിപ്പിക്കുകയായിരുന്നെന്നാണ് പരാതി. സൗദി അറേബ്യയിലെ ഫോൺ നമ്പർ ഉപയോഗിച്ചാണ് സമൂഹമാധ്യമങ്ങളിൽ ഇയാൾ ഫോട്ടോകൾ പോസ്റ്റ് ചെയ്തത്.