'ആവേശം' കണ്ടതിന്റെ ആവേശമോ? ദൃശ്യങ്ങൾ പണികൊടുത്തു, വടിവാൾ ഉപയോഗിച്ച് കേക്കു മുറിച്ച സംഘത്തിനെതിരെ കേസ്

നിരവധി കേസുകളിൽ പ്രതിയായ അരുൺ വിക്രമനും സംഘവുമാണ് ദൃശ്യത്തിൽ ഉള്ളത്

ചെങ്ങന്നൂര്‍: ആവേശം സിനിമാ മോഡൽ വടിവാൾ ഉപയോഗിച്ച് കേക്കു മുറിച്ച് പിറന്നാൾ ആഘോഷം നടത്തിയ നാലംഗ സംഘത്തിനെതിരെ ചെങ്ങന്നൂർ പൊലീസ് കേസെടുത്തു. നിരവധി കേസുകളിൽ പ്രതിയായ അരുൺ വിക്രമനും സംഘവുമാണ് ദൃശ്യത്തിൽ ഉള്ളത്. കാറിന് മുകളിൽ കേക്ക് വെച്ച് വടിവാൾ ഉപയാഗിച്ച് മുറിച്ച് പങ്കിട്ടു കഴിക്കുന്നതാണ് ദൃശ്യം. 

പിറന്നാൾ ആഘോഷത്തിന്റെ ദൃശ്യങ്ങൾ സംഘത്തിലൊരാൾ സോഷ്യൽ മീഡിയയിൽ പങ്ക് വച്ചതിന്നു പിന്നാലെയാണ് പൊലീസും സൈബർ പോലീസും അന്വേഷണം തുടങ്ങിയത്. സംഘത്തിലുള്ളവർ അടിപിടി തട്ടി കൊണ്ടു പോകൽ തുടങ്ങി നിരവധി കേസുകളിൽ പ്രതിയാണെന്ന് പോലിസ് പറഞ്ഞു.

ഏഷ്യാനെറ്റ് ന്യൂസ് വാർത്തകൾ തത്സമയം കാണാം