വീട്ടമ്മയുടെ മാലപൊട്ടിച്ച് യുവാവ്; സംഭവം വീട് വൃത്തിയാക്കാനെത്തിയപ്പോള്‍, പ്രതി ഓടി രക്ഷപ്പെട്ടു

പുരയിടം വൃത്തിയാക്കുന്നതിനിടെ വീട്ടുവളപ്പിലെത്തിയ യുവാവ് ഉമാ ദേവിയുടെ കഴുത്തിൽ കിടന്ന മാല പൊട്ടിക്കുകയായിരുന്നു.

ആമ്പല്ലൂര്‍: തൃശ്ശൂർ ആമ്പല്ലൂർ ചെങ്ങാലൂരിൽ വീട്ടുപറമ്പിൽ നിന്ന സ്ത്രീയുടെ മാല പൊട്ടിച്ച് യുവാവ്. ചെങ്ങാലൂർ സ്വദേശി  രാമചന്ദ്രന്‍റെ ഭാര്യ  ഉമാദേവിയുടെ (56) മൂന്ന് പവന്‍റെ സ്വര്‍ണ്ണമാലയാണ് നഷ്ടപ്പെട്ടത്. രാവിലെ ആമ്പല്ലൂരിലുള്ള ആൾതാമസമില്ലാത്ത വീട് വൃത്തിയാക്കാൻ എത്തിയപ്പോഴാണ് സംഭവം. 

പുരയിടം വൃത്തിയാക്കുന്നതിനിടെ വീട്ടുവളപ്പിലെത്തിയ യുവാവ് ഉമാ ദേവിയുടെ കഴുത്തിൽ കിടന്ന മാല പൊട്ടിച്ചു. വീട്ടമ്മ നിലവിളിച്ചതോടെ പ്രതി  ഓടി രക്ഷപ്പെട്ടു. സംഭവത്തില്‍ പുതുക്കാട് പൊലീസ്  അന്വേഷണം തുടങ്ങി.