ആറാട്ടുപുഴയില്‍ കടലേറ്റം രൂക്ഷം; തീരദേശപാതയില്‍ വെള്ളംകയറി

ഇന്ന് വൈകുന്നേരം ഉണ്ടായ ശക്തമായ കടലേറ്റത്തിൽ നല്ലാണിക്കൽ ഭാഗത്ത് തെങ്ങുകൾ കടപുഴകി കടലിലേക്ക് വീണു

ഹരിപ്പാട്: ആറാട്ടുപുഴയില്‍ കടലേറ്റം രൂക്ഷമാകുന്നു. ഏതാനും ദിവസങ്ങളായി വൈകുന്നേരങ്ങളിൽ പതിവായി ഇവിടെ കടലേറ്റം ഉണ്ടാകുന്നുണ്ട്. ആറാട്ടുപുഴ ബസ് സ്റ്റാൻഡ് മുതൽ തെക്കോട്ടുള്ള ഭാഗങ്ങളിലാണ് ഇപ്പോഴും കടലേറ്റം രൂക്ഷമായിരിക്കുന്നത്.  

ഇന്ന് വൈകുന്നേരം ഉണ്ടായ ശക്തമായ കടലേറ്റത്തിൽ നല്ലാണിക്കൽ ഭാഗത്ത് തെങ്ങുകൾ കടപുഴകി കടലിലേക്ക് വീണു. കള്ളിക്കാട് ശക്തമായ തിരയിൽ വെള്ളം തീരദേശപാതയിലൂടെ കിഴക്കോട്ട് ഒഴുകുന്നുണ്ട്.