പാലിയേക്കര ടോൾ പ്ലാസയിൽ കോൺഗ്രസ് പ്രതിഷേധം; പൊലീസും പ്രവർത്തകരും തമ്മിൽ ഉന്തും തള്ളും
Synopsis
എംപിയെ മര്ദ്ദിച്ച പൊലീസുകാര്ക്കെതിരെ നടപടി ആവശ്യപ്പെട്ട് കോണ്ഗ്രസ് പ്രവര്ത്തകര് പിന്നീട് ടോള് ഓഫീസിന് മുന്നില് കുത്തിയിരുന്നു.
തൃശൂർ: ഇഡി റെയ്ഡ് നടത്തിയ പാലിയേക്കര ടോള് പ്ലാസയിൽ പ്രതിഷേധം സംഘടിപ്പിച്ച് കോൺഗ്രസ്. ഡിസിസിയുടെ നേതൃത്വത്തില് അഴിമതിയ്ക്കെതിരെ നടത്തിയ ടോള് വളയല് സമരം അക്രമത്തില് കലാശിച്ചു. പൊലീസുമായുള്ള ഉന്തും തള്ളലില് ടി.എന്. പ്രതാപന് എംപി, മുന് എംഎല്എ അനില് അക്കര എന്നിവര്ക്ക് പരിക്കേറ്റെന്ന് കോണ്ഗ്രസ് ആരോപിച്ചു. പൊലീസ് ബാരിക്കേഡ് മറികടക്കാന് ശ്രമിക്കുന്നതിനിടെയാണ് സംഘര്ഷമുണ്ടായത്.
എംപിയെ മര്ദ്ദിച്ച പൊലീസുകാര്ക്കെതിരെ നടപടി ആവശ്യപ്പെട്ട് കോണ്ഗ്രസ് പ്രവര്ത്തകര് പിന്നീട് ടോള് ഓഫീസിന് മുന്നില് കുത്തിയിരുന്നു. അന്വേഷണം നടത്തി കുറ്റക്കാര്ക്കെതിരെ നടപടി സ്വീകരിക്കാമെന്ന് ജില്ലാ കളക്ടര് കൃഷ്ണതേജയും റൂറല് എസ്പി ഐശ്വര്യ ഡോങ്റെയും നേരിട്ടെത്തി നടത്തിയ ഉറപ്പിനെ തുടര്ന്നാണ് സമരം അവസാനിപ്പിച്ചത്. സമരം ചെയ്ത രണ്ടു മണിക്കൂര് ടോള് ഗേറ്റുകള് മുഴുവര് കോണ്ഗ്രസ് പ്രവര്ത്തകര് തുറന്നിട്ടിരുന്നു.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam