പ്രോട്ടോക്കോള്‍ ലംഘിച്ച് ഭക്ഷണം കഴിക്കാന്‍ സൗകര്യമൊരുക്കിയ ഹോട്ടല്‍ അടച്ചുപൂട്ടി

ഹോട്ടലുകള്‍ തുറന്ന് പാര്‍സല്‍ നല്‍കുന്നതിനു മാത്രമേ നിലവില്‍ അനുമതിയുള്ളൂ.  

കോഴിക്കോട്: കോവിഡ് പ്രോട്ടോക്കോള്‍ ലംഘിച്ച് ഹോട്ടലിനകത്ത് ഇരുന്ന് ഭക്ഷണം കഴിക്കാന്‍ സൗകര്യം ഒരുക്കിയതിന്റെ പേരില്‍ നടപടി. താമരശ്ശേരി യു പി സ്‌കൂളിന് സമീപം ഹൗസിംഗ് സൊസൈറ്റി കെട്ടിടത്തില്‍ പ്രവര്‍ത്തിക്കുന്ന ഹോട്ടലിന്റെ ഉടമക്കും ഭക്ഷണം കഴിക്കാനെത്തിയ 4 പേര്‍ക്കും എതിരെയുമാണ് പൊലീസ് കേസെടുത്തത്. ഹോട്ടല്‍ പോലീസ് അടച്ചു പൂട്ടി. ഹോട്ടലുകള്‍ തുറന്ന് പാര്‍സല്‍ നല്‍കുന്നതിനു മാത്രമേ നിലവില്‍ അനുമതിയുള്ളൂ. പ്രോട്ടോക്കോള്‍ ലംഘിച്ച് ഇരുന്ന് ഭക്ഷണം കഴിക്കാന്‍ സൗകര്യമൊരുക്കിയതിനാലാണ് കേസെടുത്തത്. ഹോട്ടലുകള്‍ അടക്കം എല്ലാ സ്ഥാപനങ്ങളിലും  ശക്തമായ പരിശോധന നടന്നു വരികയാണ്.