ഗുണ്ടാ ആക്ട്: ആലപ്പുഴയിൽ ഒരാൾ അറസ്റ്റിൽ

മണ്ണഞ്ചേരി എസ് ഐ ലൈസാദ് മുഹമ്മദിന്റെ നേതൃത്വത്തിലുള്ള പൊലീസ് സംഘമാണ് ഇയാളെ അറസ്റ്റ് ചെയ്തത്.

ആലപ്പുഴ: അടിപിടി, വധശ്രമം, മയക്ക് മരുന്ന് കേസുള്‍പ്പടെ നിരവധി ക്രിമിനല്‍ കേസില്‍ പ്രതിയായ മാരാരിക്കുളം തെക്ക് പഞ്ചായത്ത്, ഓമനപ്പുഴ നടീപ്പറമ്പില്‍ വീട്ടില്‍ ഷാരോണ്‍ (26) എന്നു വിളിക്കുന്ന ക്രിസ്പിന്‍ തോമസിനെ ഗുണ്ടാ ആക്ട് പ്രകാരം അറസ്റ്റ് ചെയ്തു.

മണ്ണഞ്ചേരി എസ് ഐ ലൈസാദ് മുഹമ്മദിന്റെ നേതൃത്വത്തിലുള്ള പൊലീസ് സംഘമാണ് ഇയാളെ അറസ്റ്റ് ചെയ്തത്. ആലപ്പുഴ നോര്‍ത്ത് പോലിസ് സ്റ്റേഷനിലും മണ്ണഞ്ചേരി സ്റ്റേഷനിലും നിരവധി കേസുകള്‍ ഇയാളുടെ പേരിലുണ്ട്. പ്രതിയെ 6 മാസത്തെ തടവിനായി പൂജപ്പുര സെന്‍ട്രല്‍ ജയിലിലടച്ചു.