ഗൂഗിള് പേയിൽ നൽകിയ പണവുമായി ബന്ധപ്പെട്ട് തര്ക്കം; കടയുടമയ്ക്ക് കുത്തേറ്റു, പൊലീസ് കേസ്
Synopsis
ഗൂഗിള് പേയില് നല്കിയ പണത്തെച്ചൊല്ലിയുള്ള തര്ക്കത്തിൽ കടയുടമയ്ക്കുനേരെ ആക്രമണം. കൊല്ലം നല്ലിളയിലാണ് കടയുടയ്മക്ക് കുത്തേറ്റത്
കൊല്ലം: കൊല്ലം നല്ലില പള്ളിവേട്ടക്കാവില് കടയുടമയ്ക്ക് കുത്തേറ്റു. ഗൂഗിള് പേയില് നല്കിയ പണത്തെച്ചൊല്ലിയുള്ള തര്ക്കമാണ് കത്തികുത്തില് കലാശിച്ചത്. ഗൂഗിള് പേയില് അയച്ച 200 രൂപ തിരികെ ആവശ്യപെട്ടിട്ട് നൽകിയില്ലെന്ന് പറഞ്ഞ് അബി എന്നയാൾ കടയുടമയെ ആക്രമിക്കുകയായിരുന്നു. വാക്കുതർക്കം കയ്യാങ്കളിയിലേക്ക് കടന്നതോടെ അബി കത്തികൊണ്ട് ഉടമയെ കുത്തി. പരിക്കേറ്റ കടയുടമ ജോയിയെ ആശുപത്രിയിൽ പ്രവേശിപ്പിച്ചു. പ്രതിക്കെതിരെ കണ്ണനല്ലൂർ പൊലീസ് കേസെടുത്തു. സംഭവത്തിൽ പൊലീസ് അന്വേഷണം ആരംഭിച്ചു. സംഭവത്തിന്റെ സിസിടിവി ദൃശ്യങ്ങളും പുറത്തുവന്നിരുന്നു. പരിക്കേറ്റ ജോയി ചികിത്സയിൽ തുടരുകയാണ്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam