നായ കുറുകെ ചാടി, ബ്രേക്ക് ചവിട്ടി, കാര്‍ മലക്കം മറിഞ്ഞത് രണ്ടു തവണ; അപകടത്തില്‍ 2പേര്‍ക്ക് ഗുരുതര പരിക്ക്

റോഡിലൂടെ വളവ് തിരിഞ്ഞുവരുന്നതിനിടെ പെട്ടെന്ന് നായ കുറുകെ കടക്കുകയായിരുന്നു

മലപ്പുറം:മലപ്പുറം എടവണ്ണയിൽ നായ കുറുകെ ചാടിയതിനെ തുടർന്ന് കാർ അപകടത്തിൽ പെട്ടു. എടവണ്ണ ഭാഗത്തുനിന്നും വരികയായിരുന്ന കാർ നായ കുറുകെ ചാടിയതിനെ തുടർന്ന് ഡ്രൈവർ ബ്രേക്ക് ചവിട്ടിയപ്പോഴാണ് സംഭവം. ഉച്ചയ്ക്ക് 2 മണിയോടെ ആണ് അപകടം നടന്നത്.

റോഡിലൂടെ വളവ് തിരിഞ്ഞുവരുന്നതിനിടെ പെട്ടെന്ന് നായ കുറുകെ കടക്കുകയായിരുന്നു. ഇതോടെ ബ്രേക്ക് ചവിട്ടിയെങ്കിലും കാര്‍ നിയന്ത്രണം വിട്ട് മലക്കം മറിഞ്ഞു. രണ്ടു തവണയാണ് കാര്‍ തലകീഴായി മറിഞ്ഞത്. എടവണ്ണ സ്വദേശികളായ 2 പേരാണ് കാറിൽ ഉണ്ടായിരുന്നത്. സാരമായി പരിക്കേറ്റ ഇവരെ എടവണ്ണയിലെ സ്വകാര്യ ആശുപത്രിയിൽ പ്രവേശിപ്പിച്ചു. അപകടത്തിന്‍റെ സിസിടിവി ദൃശ്യങ്ങളും പുറത്തുവന്നു.