രാഹുൽ ഗാന്ധിയുടെ സന്ദർശനം; ഹെലിപാഡ് പരിസരത്ത് ഡ്രോൺ നിരോധനം

ഉത്തരവ് ഇറക്കിയ ഫെബ്രുവരി 25 രാവിലെ 10 മുതൽ 48 മണിക്കൂർ നേരത്തേക്കാണ് ബിഎൻഎസ്-2023 സെക്ഷൻ 163 പ്രകാരമുള്ള നിരോധനം. സുരക്ഷാ ഏജൻസികൾക്ക് നിരോധനം ബാധകമല്ല. 

കണ്ണൂർ : ലോക്‌സഭാ പ്രതിപക്ഷ നേതാവ് രാഹുൽ ഗാന്ധി ഫെബ്രുവരി 26ന് പരിപാടിയിൽ പങ്കെടുക്കാനായി എത്തുന്ന പേരാവൂർ തൊണ്ടിയിൽ സെൻറ് ജോസഫ് ഹയർ സെക്കൻഡറി സ്‌കൂൾ ഹെലിപാഡിന്റെ (ജിമ്മി ജോർജ് സ്‌റ്റേഡിയം) മൂന്ന് കിലോ മീറ്റർ ചുറ്റളവിൽ ഡ്രോൺ ഉൾപ്പെടെ ആളില്ലാത്ത ആകാശ വാഹനങ്ങൾക്ക് ജില്ലാ കലക്ടർ അരുൺ കെ വിജയൻ നിരോധനം ഏർപ്പെടുത്തി. ഉത്തരവ് ഇറക്കിയ ഫെബ്രുവരി 25 രാവിലെ 10 മുതൽ 48 മണിക്കൂർ നേരത്തേക്കാണ് ബിഎൻഎസ്-2023 സെക്ഷൻ 163 പ്രകാരമുള്ള നിരോധനം. സുരക്ഷാ ഏജൻസികൾക്ക് നിരോധനം ബാധകമല്ല.