ലോക്ക് ഡൗൺ: നിരത്തിലിറങ്ങുന്നവർക്ക് പിടിവീഴും, മാന്നാറിലും നിരീക്ഷണത്തിനായി ഡ്രോണുകൾ

ലോക്ക് ഡൗൺ  ലംഘിക്കുന്നവരെ ഡ്രോണുകൾ ഉപയോഗിച്ച് കണ്ടെത്തി കേസ് എടുക്കുമെന്നും പൊലീസ് അറിയിച്ചു.  

മാന്നാർ: കൊവിഡ് 19 നിരീക്ഷണത്തിന്റെ ഭാഗമായി പ്രതിരോധ നടപടികളുമായി ബന്ധപ്പെട്ട് ലോക്ക് ഡൗൺ ലംഘിക്കുന്നവരെ നിരീക്ഷിക്കാൻ മാന്നാർ പൊലീസിന്റെ നേതൃത്വത്തിൽ ഡ്രോണുകൾ ഉപയോഗിച്ച് നിരീക്ഷണം ആരംഭിച്ചു. ലോക്ക് ഡൗൺ ലംഘിക്കുന്നവരെ ഡ്രോണുകൾ ഉപയോഗിച്ച് കണ്ടെത്തി കേസ് എടുക്കുമെന്നും പൊലീസ് അറിയിച്ചു.

നിരത്തുകളിൽ വാഹനങ്ങളുടെ അതിപ്രസരവും, അനാവശ്യമായി കറങ്ങി നടക്കുന്നവരെയും, ഒരേ വാഹനം ഒന്നിലധികം പ്രാവശ്യം നിരത്തിൽ ഇറങ്ങുന്നതിനെതിരെയും നിയമ നടപടി സ്വീകരിക്കണം എന്ന ജില്ല പൊലീസ് മേധാവിയുടെ നിർദേശപ്രകാരം ആണ് ഡ്രോണുകൾ ഉപയോഗിക്കുന്നത്.