ട്രിപ്പിൾ ലോക്ഡൗണിനിടെ സംഘം ചേർന്ന് അൽഫഹം ഉണ്ടാക്കി; വേവ് പാകമായപ്പോൾ പൊലീസെത്തി

ട്രി​പ്പിൾ ലോ​ക്ഡൗ​ൺ ലം​ഘി​ച്ച് നെ​ല്ലി​ക്കു​ത്തി​ൽ യു​വാ​ക്ക​ൾ സം​ഘ​ടി​ച്ച് കോ​ഴി ചു​ട്ടെടുത്ത് അൽഫഹം ഉണ്ടാക്കിയെങ്കിലും ക​ഴി​ക്കാ​നു​ള്ള ഭാ​ഗ്യമുണ്ടാ​യി​ല്ല. 

മ​ഞ്ചേ​രി: ട്രി​പ്പിൾ ലോ​ക്ഡൗ​ൺ ലം​ഘി​ച്ച് നെ​ല്ലി​ക്കു​ത്തി​ൽ യു​വാ​ക്ക​ൾ സം​ഘ​ടി​ച്ച് കോ​ഴി ചു​ട്ടെടുത്ത് അൽഫഹം ഉണ്ടാക്കിയെങ്കിലും ക​ഴി​ക്കാ​നു​ള്ള ഭാ​ഗ്യമുണ്ടാ​യി​ല്ല. പൊ​ലീ​സെ​ത്തി​യ​തോ​ടെ പാ​തി​വ​ഴി​യി​ൽ ഉ​പേ​ക്ഷി​ച്ച് ഓ​ടി ര​ക്ഷ​പ്പെ​ട്ടു. ക​ഴി​ഞ്ഞ ദി​വ​സം വൈ​കീ​ട്ട് ആ​റി​ന് നെ​ല്ലി​ക്കു​ത്ത് പ​ഴ​യ ഇ​ഷ്​​ടി​ക ക​മ്പ​നി​ക്ക് അ​ടു​ത്താ​ണ് സം​ഭ​വം.

പ്ര​ദേ​ശ​വാ​സി​ക​ളാ​ണ് റ​ബ​ർ തോ​ട്ട​ത്തി​ന​ടു​ത്തു​ള്ള ഒ​ഴി​ഞ്ഞ സ്ഥ​ല​ത്ത് കോ​ഴി ചു​ടാ​നു​ള്ള സ​ജ്ജീ​ക​ര​ണ​ങ്ങ​ളു​മാ​യി എ​ത്തി​യ​ത്. പാ​ച​കം പു​രോ​ഗ​മി​ക്കു​ന്ന​തി​നി​ടെ മ​ഞ്ചേ​രി എ​സ്ഐ​യു​ടെ നേ​തൃ​ത്വ​ത്തി​ൽ പൊ​ലീ​സ് എ​ത്തി​യ​തോ​ടെ യു​വാ​ക്ക​ൾ ചി​ക്ക​ൻ ഉ​പേ​ക്ഷി​ച്ച് ര​ക്ഷ​പ്പെ​ടു​ക​യാ​യി​രു​ന്നു.

ഗ്രാ​മ​പ്ര​ദേ​ശ​ങ്ങ​ളി​ൽ ഇ​ത്ത​ര​ത്തി​ൽ കൂ​ട്ടം​കൂ​ടി​യി​രു​ന്ന് പാ​ച​ക​വും മീ​ൻ​പി​ടി​ത്ത​വും വ്യാ​പ​ക​മാ​ണ്. സം​ഘം ചേ​ർ​ന്നി​രി​ക്കു​ന്ന ഷെ​ഡു​ക​ൾ പൊ​ലീ​സിന്റെറ നേ​തൃ​ത്വ​ത്തി​ൽ പൊ​ളി​ച്ച് മാ​റ്റു​ന്നു​ണ്ട്. വ​രും​ദി​വ​സ​ങ്ങ​ളി​ൽ ആ​കാ​ശ നി​രീ​ക്ഷ​ണം ന​ട​ത്തി നി​യ​മ​ലം​ഘ​ക​രെ പി​ടി​കൂ​ടാ​നാ​ണ് തീ​രു​മാ​നം. ജി​ല്ല​യി​ൽ എഡിജിപി, ഐ.​ജി അ​ട​ക്ക​മു​ള്ള ഉ​ന്ന​ത ഉ​ദ്യോ​സ്ഥ​ർ ജി​ല്ല​യി​ൽ ക്യാ​മ്പ് ചെ​യ്താ​ണ് പ​രി​ശോ​ധ​ന​ക്ക് നേ​തൃ​ത്വം ന​ൽ​കു​ന്നത്.