കൊയിലാണ്ടിയില് വയോധികനെ ട്രെയിന് തട്ടി പരിക്കേറ്റ നിലയില് കണ്ടെത്തി
Synopsis
കൊയിലാണ്ടിയില് റെയില് പാളം മുറിച്ചു കടക്കുന്നതിനിടെ ട്രെയിന് തട്ടി എഴുപത് വയസ്സുള്ള ഒരാള്ക്ക് ഗുരുതരമായി പരിക്കേറ്റു.
കോഴിക്കോട്: കൊയിലാണ്ടിയില് വയോധികനെ ട്രെയിന് തട്ടി പരിക്കേറ്റ നിലയില് കണ്ടെത്തി. എഴുപത് വയസ്സോളം പ്രായം തോന്നിക്കുന്നയാളെയാണ് റെയില് പാളത്തിന് സമീപം തലയ്ക്ക് സാരമായി പരിക്കേറ്റ നിലയില് കണ്ടത്. കൊയിലാണ്ടി മേല്പ്പാലത്തിന് സമീപം ഇന്ന് വൈകീട്ട് 6.15ഓടെയായിരുന്നു സംഭവം.
കോഴിക്കോട് ഭാഗത്തേക്ക് പോകുകയായിരുന്ന ട്രെയിനാണ് തട്ടിയത്. ട്രെയിന് വരുന്നതറിയാതെ റെയില് പാളം മുറിച്ചുകടക്കാന് ശ്രമിക്കുന്നതിനിടയില് അപകടം സംഭവിക്കുകയായിരുന്നു എന്നാണ് നാട്ടുകാര് പറയുന്നത്. സാരമായി പരിക്കേറ്റ വയോധികനെ ആദ്യം കൊയിലാണ്ടി താലൂക്ക് ആശുപത്രിയിലും പിന്നീട് കോഴിക്കോട് മെഡിക്കല് കോളേജ് ആശുപത്രിയിലും പ്രവേശിപ്പിച്ചു.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam