വയനാട്ടില് പണം ഒഴുകുന്നു; കെഎസ്ആര്ടിസി ബസില് നിന്നടക്കം തെരഞ്ഞെടുപ്പ് ഫ്ലൈയിംഗ് സ്ക്വാഡ് ലക്ഷങ്ങള് പിടിച്ചെടുത്തു
Synopsis
ലക്കിടിയില് കെ എസ് ആര് ടി സി ബസ് യാത്രക്കാരനില്നിന്നും 1,68,000 രൂപയും കല്പ്പറ്റയില് കോഴിക്കോട് രജിസ്ട്രേഷനിലുള്ള വാഹനത്തില് നിന്നും ഒരു ലക്ഷം രൂപയും പിടികൂടി
കല്പ്പറ്റ: ജില്ലയിലെ വിവിധ സ്ഥലങ്ങളില് തെരഞ്ഞെടുപ്പ് ഫ്ളെയിങ് സ്ക്വാഡ് നടത്തിയ വാഹനപരിശോധനയിലാണ് രേഖകളില്ലാതെ കടത്തിയ 4,87,500 രൂപ പിടികൂടിയത്. ലക്കിടിയില് കെ എസ് ആര് ടി സി ബസ് യാത്രക്കാരനില്നിന്നും 1,68,000 രൂപയും കല്പ്പറ്റയില് കോഴിക്കോട് രജിസ്ട്രേഷനിലുള്ള വാഹനത്തില് നിന്നും ഒരു ലക്ഷം രൂപയും പിടികൂടി.
മാനന്തവാടിയില് കൊടുവള്ളി രജിസ്ട്രേഷന് വാഹനത്തില് നിന്നും 2,19,500 രൂപയും പിടികൂടി. വിവിധ സ്ഥലങ്ങളിലായി നടന്ന വാഹനപരിശോധന്ക്ക് കല്പ്പറ്റ നിയോജക മണ്ഡലം ചാര്ജ് ഓഫീസറും എക്സിക്യൂട്ടിവ് മജിസ്ട്രേറ്റുമായ അബ്ദുള് ഹാരീസ്, വൈത്തിരി ഡെപ്യൂട്ടി തഹദില്ദാറും എക്സിക്യൂട്ടിവ് മജിസ്ട്രേറ്റുമായ ജോയ് മാത്യു എന്നിവര് നേതൃത്വം നല്കി.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam