നാടുകാണാന്‍ വന്നു... സഹായങ്ങള്‍ നല്‍കി എമ്മ പ്ലെയ്‌സനും സംഘവും മടങ്ങി...

 വിനോദത്തിനായി എത്തിയ വിദേശികള്‍ സംസ്ഥാനത്തിന് കൈത്താങ്ങായി മാറി. പ്രളയക്കെടുതിയില്‍ അകപ്പെട്ടവരെ സഹായിക്കുന്നതിനായി ഓട്ടോയില്‍ വിദേശികളടങ്ങുന്ന സംഘം ഭഷ്യസാധനങ്ങള്‍ എത്തിക്കുകയാണ്. ഇന്ത്യയുടെ ആത്മാവിനെ തേടിയാണ് ഇംഗ്ലണ്ടില്‍ നിന്നുംഎമ്മ പ്ലെയ്‌സനും  മാറിതക് ജോണും നാല് സുഹൃത്തുക്കളും എത്തിയത്. 

ഇടുക്കി: വിനോദത്തിനായി എത്തിയ വിദേശികള്‍ സംസ്ഥാനത്തിന് കൈത്താങ്ങായി മാറി. പ്രളയക്കെടുതിയില്‍ അകപ്പെട്ടവരെ സഹായിക്കുന്നതിനായി ഓട്ടോയില്‍ വിദേശികളടങ്ങുന്ന സംഘം ഭഷ്യസാധനങ്ങള്‍ എത്തിക്കുകയാണ്. ഇന്ത്യയുടെ ആത്മാവിനെ തേടിയാണ് ഇംഗ്ലണ്ടില്‍ നിന്നുംഎമ്മ പ്ലെയ്‌സനും  മാറിതക് ജോണും നാല് സുഹൃത്തുക്കളും എത്തിയത്. ഇതിനായി ഓട്ടോ വാടകയ്ക്ക് എടുക്കുകയും ചെയ്തു. നാടു കറങ്ങുന്നതിന്റെ ഭാഗമായി കഴിഞ്ഞ ദിവസം ഇവര്‍ കേരളത്തിലെത്തി. 

പച്ചപ്പ് ആസ്വാദിക്കാനെത്തിയ സംഘം പ്രളയം കവര്‍ന്ന സംസ്ഥാനത്തിന്റെ അവസ്ഥ അപ്പോഴാണ് മനസ്സിലാക്കിയത്. പിന്നെ മറിച്ചൊന്നും ചിന്തിച്ചില്ല. തങ്ങളാല്‍ കഴിയുന്ന സഹായങ്ങള്‍ മലയാളികള്‍ക്ക് നല്‍കണം. അതിനായി ഓട്ടോയില്‍ കയറുന്ന ഭഷ്യസാധനങ്ങള്‍ വാങ്ങി വിവിധ ഇടങ്ങില്‍ സൗജന്യമായി വിതരണം ആരംഭിച്ചു. 

സ്‌കൂളുകള്‍, വിവിധ ക്യാമ്പുകളിലെത്തിയ സംഘം കുട്ടികള്‍ക്കുള്ള പഠനോപകരങ്ങളും എത്തിച്ച് നല്‍കി. സ്വച്ഛതാ ഹി സേവയുടെ ഭാഗമായി നെടുംങ്കണ്ടം കോളേജ് വിദ്യാര്‍ത്ഥികള്‍ നടത്തിയ സാമൂഹ്യപ്രവര്‍ത്തനങ്ങളിലും ഇവര്‍ പങ്കാളികളായി. വിദ്യാര്‍ത്ഥികള്‍ക്കും അധ്യാപകര്‍ക്കുമൊപ്പം പാടിയും ആടിയും ആശവിനിമയങ്ങള്‍ നടത്തിയാണ് ആറംഗ സംഘം മടങ്ങിയത്.