15 കോൽ താഴ്ച്ചയുള്ള കിണറ്റിൽ സെക്കന്‍ഡുകൾ പിന്നിട്ട് പൂച്ച; കരുണയുടെ കരങ്ങളായി ഇആർഎഫ് അം​ഗങ്ങൾ

എടവണ്ണ സ്വദേശിയായ അൻവറിന്റെ വീട്ടുമുറ്റത്തെ കിണറ്റിലാണ് പൂച്ച അബന്ധത്തിൽ വീണത്.

എടവണ്ണ: 15 കോൽ താഴ്ച്ചയുള്ള കിണറ്റിൽ അകപ്പെട്ട പൂച്ചയെ ജീവിതത്തിലേക്ക് പിടിച്ചുകയറ്റി എമർജൻസി റെസ്‌ക്യു ഫോഴ്സ് (ഇആർഎഫ്) അംഗങ്ങൾ. എടവണ്ണ സ്വദേശിയായ അൻവറിന്റെ വീട്ടുമുറ്റത്തെ കിണറ്റിലാണ് പൂച്ച അബന്ധത്തിൽ വീണത്. വീട്ടുകാർ കുടിവെള്ളത്തിന് ആശ്രയിക്കുന്ന കിണറാണിത്. കരച്ചിൽ കേട്ട വീട്ടുകാർ നോക്കിയപ്പോൾ വെള്ളത്തിൽ മുങ്ങിപ്പൊങ്ങുന്ന പൂച്ചയെ ആണ് കണ്ടത്.

ഉടൻ തന്നെ ഇവർ എടവണ്ണ എമർജൻസി റെസ്‌ക്യു ഫോഴ്സ് പ്രവർത്തകരെ വിവരമറിയിക്കുകയായിരുന്നു. ഇവർ സ്ഥലത്തെത്തി കിണറ്റിലിറങ്ങി പൂച്ചയെ സുരക്ഷിതമായി പുറത്തെടുത്ത് വിട്ടയക്കുകയായിരുന്നു. ഇആർഎഫ് ഉദ്യോ​ഗസ്ഥരായ പിപി ഷാഹിൻ, സിപി ഹാരിസ് എന്നിവരാണ് രക്ഷാപ്രവർത്തനത്തിന് നേതൃത്വം നൽകിയത്.