പത്തനംതിട്ടയിലെ എസ്റ്റേറ്റിൽ എക്സൈസ് റെയ്ഡ്; 198 ലിറ്റർ കോടയും ചാരായവും പിടികൂടി, എസ്റ്റേറ്റ് മാനേജർ അറസ്റ്റിൽ

Published : Sep 02, 2024, 08:39 AM IST
പത്തനംതിട്ടയിലെ എസ്റ്റേറ്റിൽ എക്സൈസ് റെയ്ഡ്; 198 ലിറ്റർ കോടയും ചാരായവും പിടികൂടി, എസ്റ്റേറ്റ് മാനേജർ അറസ്റ്റിൽ

Synopsis

കുമ്പഴ എസ്റ്റേറ്റിൽ എക്സൈസ് സംഘം നടത്തിയ റെയ്ഡിൽ വാറ്റും കോടയും പിടികൂടി

പത്തനംതിട്ട: കോന്നി കുമ്പഴ എസ്റ്റേറ്റിൽ എക്സൈസ് സംഘം നടത്തിയ റെയ്ഡിൽ വാറ്റും കോടയും പിടികൂടി. 198 ലിറ്റർ കോടയും ചാരായവുമാണ് പിടിച്ചെടുത്തത്. എസ്റ്റേറ്റ് മാനേജർ അറസ്റ്റിലായി.

എസ്റ്റേറ്റിലെ വട്ടത്തറ ഡിവിഷനിൽ ആണ് പത്തനംതിട്ട എക്സൈസ് സിഐയും സംഘവും പരിശോധന നടത്തിയത്. മാനേജരുടെ ക്വാട്ടേഴ്സിൽ സൂക്ഷിച്ചിരുന്ന അഞ്ച് ലിറ്റർ കോടയും വാറ്റുപകരണങ്ങളും ആദ്യം കണ്ടെടുത്തു. തുടർന്ന് നടത്തിയ പരിശോധനയിൽ സമീപത്തെ പറമ്പിൽ കുഴിച്ചിട്ടിരുന്ന കോടയും എട്ട് ലിറ്റർ ചാരായവും പിടികൂടി. ആകെ 198 ലിറ്റർ കോട പിടികൂടി. ഗ്യാസ് സിലിണ്ടർ അടക്കം ഉപകരണങ്ങളും കണ്ടെടുത്തു. 

സംഭവത്തിൽ എസ്റ്റേറ്റ് മാനേജർ മലയാലപ്പുഴ സ്വദേശി സജി കെ എസിനെ അറസ്റ്റ് ചെയ്തു. കൂട്ടുപ്രതികൾക്കെതിരെയും കേസെടുത്തിട്ടുണ്ട്. ഇവരെ പിടികൂടാൻ അന്വേഷണം ഊർജിതമാക്കിയെന്ന് എക്സൈസ് അറിയിച്ചു.

എംഡിഎംഎയുമായി കാർ വരുന്നുവെന്ന് രഹസ്യ സന്ദേശം, തടഞ്ഞ പൊലീസുകാരനെ ഇടിച്ചുതെറിപ്പിച്ചു; യുവാവ് അറസ്റ്റിൽ

PREV

കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News  അപ്‌ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam

 

click me!

Recommended Stories

'മെമ്പറേ, ഈ പരാതിയൊന്ന് പരിഗണിക്കണം...'! പഞ്ചായത്തംഗത്തിന്റെ സിറ്റൗട്ടിൽ അസാധാരണ വലിപ്പമുളള അണലിയെത്തി
സഹോദരങ്ങൾ രണ്ട് പേരും കറങ്ങി നടന്നത് ശാസ്താംകോട്ട റെയിൽവേ സ്റ്റേഷനിൽ; പിന്നാലെയെത്തി പൊലീസ്, കൈവശമുണ്ടായിരുന്നത് 2.2 കിലോ കഞ്ചാവ്