വീട് വാടകക്ക് എടുത്ത് തോക്കുനിര്മാണം, രഹസ്യവിവരം ലഭിച്ച പൊലീസ് സ്ഥലത്തെത്തി, തോക്കുകളടക്കം പിടിച്ചെടുത്തു, ഒരാള് പിടിയിൽ
Synopsis
സംഭവത്തിൽ കാർത്തികപുരം സ്വദേശി എം കെ അജിത് കുമാർ (55) എന്നയാളെ പൊലീസ് അറസ്റ്റ് ചെയ്തു
കാസര്കോട്: കാസര്കോട് അനധികൃത തോക്ക് നിര്മാണ കേന്ദ്രം കണ്ടെത്തി. കാസര്കോട് കള്ളാര് കോട്ടക്കുന്നിലാണ് കള്ളത്തോക്ക് നിര്മാണ കേന്ദ്രം കണ്ടെത്തിയത്. സംഭവത്തിൽ കാർത്തികപുരം സ്വദേശി എം കെ അജിത് കുമാർ (55) എന്നയാളെ പൊലീസ് അറസ്റ്റ് ചെയ്തു.
ഇവിടെ നിന്ന് നിർമ്മാണം പൂർത്തിയായ രണ്ട് കള്ള തോക്കുകളും നിർമ്മാണത്തിലിരിക്കുന്ന ഒരു തോക്കും പിടിച്ചെടുത്തു. കോട്ടക്കുന്ന് സ്വദേശിയായ ജസ്റ്റിൻ എന്നയാളുടെ ഉടമസ്ഥതയിലുള്ള വീട് വാടകക്കെടുത്താണ് പ്രതിയായ അജിത് കുമാര് തോക്കു നിർമാണം നടത്തിയിരുന്നത്.
രഹസ്യവിവരത്തിൽ അടിസ്ഥാനത്തിൽ പൊലീസ് സ്ഥലത്തെത്തുകയായിരുന്നു. തുടര്ന്ന് നടത്തിയ പരിശോധനയിലാണ് തോക്കുകള് കണ്ടെത്തിയത്. നാടൻ തോക്കുകളാണ് പിടിച്ചെടുത്തത്. തോക്ക് നിര്മിക്കാനുപയോഗിച്ച ഉപകരണങ്ങളടക്കം പിടിച്ചെടുത്തു.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam