
കോഴിക്കോട്: പേരാമ്പ്രയില് കഴിഞ്ഞ ദിവസമുണ്ടായ ശക്തമായ ഇടിമിന്നലില് വീടുകള്ക്ക് നാശനഷ്ടം. പാലേരിയില് കൈതേരി മുക്കിലെ കൊറഞ്ഞേറമ്മല് സദാനന്ദന്റെ വീട്ടിലും മേപ്പയ്യൂര് നരക്കോട് കല്ലങ്കി കുങ്കച്ചന്കണ്ടി നാരായണന്റെ വീട്ടിലുമാണ് നാശനഷ്ടമുണ്ടായത്. വീട്ടിലെ സിറ്റൗട്ടിലെ തൂണിന് സമീപത്ത് ഇരുന്നിരുന്ന സദാനന്ദനും സുഹൃത്തും എഴുന്നേറ്റ ഉടനെയാണ് തൂണിന് താഴ്ഭാഗത്തായി മിന്നലേറ്റത്. അടിഭാഗത്തെ ടൈലുകളെല്ലാം ചിതറിത്തെറിച്ചു. വീട്ടിലെ വയറിങ്ങ് പൂര്ണമായും കത്തിനശിച്ചു. അക്വേറിയവും തകര്ന്നിട്ടുണ്ട്. നാരായണന്റെ വീട്ടിലെ ജനല്പ്പാളികള് ഇടിമിന്നലില് പൊട്ടിത്തകര്ന്നു. ചുവരില് വലിയ വിള്ളല് വീണിട്ടുണ്ട്. വൈദ്യുതി ഉപകരണങ്ങളും വയറിങ്ങും നശിച്ചവയില് ഉള്പ്പെടുന്നു. അപകടത്തില് ആര്ക്കും പരിക്കേറ്റിട്ടില്ല.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam