സെവൻസ് മത്സരത്തിന് മുന്നോടിയായി കരിമരുന്ന് പ്രയോഗം: ഉയരത്തിൽ പറന്ന പടക്കം വീണത് കാണികളിൽ, 22 പേർക്ക് പരിക്ക്
Synopsis
മൈതാനത്ത് നിന്ന് ഉയരത്തില് വിട്ട പടക്കം ഗാലറിയില് ഇരുന്നവര്ക്കിടയിലേക്ക് വീണ് പൊട്ടി
മലപ്പുറം: സെവൻസ് മത്സരത്തിന് മുന്നോടിയായി നടന്ന കരിമരുന്ന് പ്രയോഗം പാളി. കാണികൾക്കിടയിലേക്ക് പടക്കം വീണ് 22 പേർക്ക് പരിക്കേറ്റു. മലപ്പുറം അരീക്കോടിനടുത്ത് തെരട്ടമ്മലില് രാത്രി എട്ടരയോടെയാണ് അപകടം ഉണ്ടായത്. സെവന്സ് ഫുട്ബോള് മത്സരത്തിന് മുന്നോടിയായി നടത്തിയ കരിമരുന്ന് പ്രയോഗത്തിനിടെ കാണികള്ക്കിടയിലേക്ക് പടക്കം വീഴുകയായിരുന്നു.
മൈതാനത്ത് നിന്ന് ഉയരത്തില് വിട്ട പടക്കം ഗാലറിയില് ഇരുന്നവര്ക്കിടയിലേക്ക് വീണ് പൊട്ടി. ഇതോടെ ഗാലറിയില് ഇരുന്നവര് ചിതറി ഓടി. ഇതിനിടെയാണ് 19 പേർക്ക് പരിക്കേറ്റത്. മൂന്ന് പേര്ക്ക് പൊള്ളലേറ്റു. പരിക്കേറ്റവരെ സമീപത്തെ സ്വകാര്യ ആശുപത്രികളില് പ്രവേശിപ്പിച്ചു. ആരുടയും പരിക്ക് ഗുരുതരമല്ല.
ഏഷ്യാനെറ്റ് ന്യൂസ് വാർത്തകൾ തത്സമയം കാണാം
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam