സിഎന്ജിയുമായി വന്ന ലോറിയില് നിന്ന് വാതക ചോര്ച്ച, വിവരമറിയിച്ച് പിന്നാലെ വന്ന ഓട്ടോ ഡ്രൈവർ, അപകടം ഒഴിവായി
Synopsis
ബാലുശ്ശേരി എകരൂലിലെ സിഎന്ജി സംഭരണ കേന്ദ്രത്തില് നിന്നും നിന്നും കുറ്റ്യാടിയിലെ പമ്പിലേക്ക് ഇന്ധനവുമായി പോകുകയായിരുന്ന ടാങ്കറില് നിന്നാണ് ചോര്ച്ച ഉണ്ടായത്
കോഴിക്കോട്: പേരാമ്പ്രയില് സിഎന്ജിയുമായി പോയ ടാങ്കറില് നിന്നും ഗ്യാസ് ചോര്ന്നത് പരിഭ്രാന്തി പരത്തി. ഇന്ന് രാവിലെ 9.30 ഓടെയാണ് സംഭവം. ബാലുശ്ശേരി എകരൂലിലെ സിഎന്ജി സംഭരണ കേന്ദ്രത്തില് നിന്നും നിന്നും കുറ്റ്യാടിയിലെ പമ്പിലേക്ക് ഇന്ധനവുമായി പോകുകയായിരുന്ന ടാങ്കറില് നിന്നാണ് ചോര്ച്ച ഉണ്ടായത്. പേരാമ്പ്ര ബൈപ്പാസില് പൈതോത്ത് റോഡ് ജംഗ്ഷന് സമീപം വെച്ചാണ് സംഭവം.
ടാങ്കറിന്റെ മെയിന് വാല്വിലെ ചോര്ച്ച ശ്രദ്ധയില്പ്പെട്ട പുറകെ വന്ന ഓട്ടോ ഡ്രൈവറാണ് വിവരം ഫയർ ഫോഴ്സിലും പൊലീസ് കണ്ട്രോള് റൂമിലും വിളിച്ചറിയിച്ചത്. തുടര്ന്ന് പേരാമ്പ്ര അഗ്നിരക്ഷാ സേനയും പോലീസും സ്ഥലത്തെത്തി ചോര്ച്ച അടച്ച് അപകട സാധ്യത ഒഴിവാക്കുകയായിരുന്നു.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam