ഗുരുവായൂരപ്പന് കാണിക്കയായി 37 പവന്റെ കനക കിരീടം
Synopsis
ദേവസ്വം ഭരണസമിതി അംഗം സി.മനോജ്, ക്ഷേത്രം ഡപ്യൂട്ടി അഡ്മിനിസ്ട്രേറ്റര് എം.രാധ, അസി.മാനേജര് എം. ഹരിദാസ് എന്നിവരുടെ നേതൃത്വത്തില് കിരീടം ഏറ്റുവാങ്ങി ഭഗവാന് സമര്പ്പിച്ചു.
തൃശൂര്: ഗുരുവായൂരപ്പന് കാണിക്കയായി 37 പവന്റെ കനക കിരീടം. തിരുപ്പൂര് വ്യവസായിയായ രാജന് പി. നായരാണ് 299.9 ഗ്രാം തൂക്കം വരുന്ന കല്ലുകള് പതിച്ച സ്വര്ണ്ണക്കിരീടം വഴിപാടായി സമര്പ്പിച്ചത്. ദേവസ്വം ഭരണസമിതി അംഗം സി.മനോജ്, ക്ഷേത്രം ഡപ്യൂട്ടി അഡ്മിനിസ്ട്രേറ്റര് എം.രാധ, അസി.മാനേജര് എം. ഹരിദാസ് എന്നിവരുടെ നേതൃത്വത്തില് കിരീടം ഏറ്റുവാങ്ങി ഭഗവാന് സമര്പ്പിച്ചു. സോപാനപ്പടിയില് സമര്പ്പിച്ച സ്വര്ണ്ണക്കിരീടം ചാര്ത്തിയാണ് ഗുരുവായൂരപ്പന് ഉച്ചപൂജ നടത്തിയത്. വഴിപാടുകാരനും കുടുംബത്തിനും കളഭവും തിരുമുടി മാലയും പഴവും പഞ്ചസാരയുമടങ്ങുന്ന ഗുരുവായൂരപ്പന്റെ പ്രസാദങ്ങള് നല്കി. കഴിഞ്ഞ ദിവസവും ഗുരുവായൂരപ്പന് സ്വര്ണക്കിരീടം വഴിപാടായി ലഭിച്ചിരുന്നു.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam