കാണാതായ മധ്യവയസ്കന്റെ മൃതദേഹം വെള്ളക്കെട്ടില്; 'വീട്ടില് നിന്നിറങ്ങിയത് ജോലിക്ക് പോകുന്നെന്ന് പറഞ്ഞ്'
Synopsis
വീട്ടുകാര് ഫോണില് ബന്ധപ്പെടാന് ശ്രമിച്ചപ്പോള് സ്വിച്ച് ഓഫ് ആയിരുന്നു. തുടര്ന്നാണ് തൃക്കുന്നപ്പുഴ പൊലീസില് പരാതി നല്കിയത്.
ഹരിപ്പാട്: കാണാതായ ഗൃഹനാഥന്റെ മൃതദേഹം വെള്ളക്കെട്ടില് കണ്ടെത്തി. കാര്ത്തികപ്പള്ളി മഹാദേവി അജ്മല് നിവാസില് പ്രസാദിന്റെ (54) മൃതദേഹമാണ് ഇന്നലെ ഉച്ചയോടെ കുടുംബ വീടിന് സമീപത്തുള്ള വെള്ളക്കെട്ടില് കണ്ടെത്തിയത്.
കഴിഞ്ഞ തിങ്കളാഴ്ച രാത്രി മുതല് പ്രസാദിനെ കാണാനില്ലായിരുന്നു. പാലക്കാട് ജോലിക്കായി പോകുന്നു എന്നു പറഞ്ഞാണ് തിങ്കളാഴ്ച രാത്രി വീട്ടില് നിന്നും ഇറങ്ങിയതെന്ന് ബന്ധുക്കള് പൊലീസിന് നല്കിയ പരാതിയില് പറയുന്നു. എന്നാല് പിന്നീട് വീട്ടുകാര് ഫോണില് ബന്ധപ്പെടാന് ശ്രമിച്ചപ്പോള് സ്വിച്ച് ഓഫ് ആയിരുന്നു. തുടര്ന്നാണ് തൃക്കുന്നപ്പുഴ പൊലീസില് പരാതി നല്കിയത്. പൊലീസ് അന്വേഷണം നടന്നു വരുമ്പോഴാണ് മൃതദേഹം കണ്ടെത്തിയത്. പൊലീസ്, ഹരിപ്പാട് അഗ്നിരക്ഷ സേന എന്നിവര് എത്തിയാണ് മൃതദേഹം കരക്ക് എത്തിച്ചത്. മൃതദേഹം വണ്ടാനം മെഡിക്കല് കോളേജ് ആശുപത്രി മോര്ച്ചറിയില്. ഭാര്യ: ബീന, മക്കള്: ആരോമല്, അജ്മല്.
എം.കെ സ്റ്റാലിന്റെ നിര്ദേശം: കേരളത്തിലെ സ്കൂളുകള് സന്ദര്ശിച്ച് തമിഴ്നാട് മന്ത്രി
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam