ആൽബിയുടെ ഹരിപ്പാട് വീട്ടിൽ 'സംതിംഗ് ഫിഷി'! നാട്ടുകാർക്ക് സംശയം, പൊലീസിന് രഹസ്യവിവരമെത്തി; പരിശോധന, അറസ്റ്റ്

30 ലിറ്റർ കോടയും മുക്കാൽ ലിറ്റർ ചാരായവും വാറ്റുപകരങ്ങളും കണ്ടെടുത്തു

ഹരിപ്പാട്: വീട്ടിൽ ചാരായം വാറ്റിക്കൊണ്ടിരിക്കെ യുവാക്കളെ പൊലീസ് പിടികൂടി. ആറാട്ടുപുഴ കളളിക്കാട് പുത്തൻവീട്ടിൽ ആൽബി ആനന്ദ് (25), കരിത്തറയിൽ ശ്യാംദാസ് (കുക്കു - 23) എന്നിവരെയാണ് തൃക്കുന്നപ്പുഴ പൊലീസ് പിടികൂടിയത്. ആൽബി ആനന്ദിന്റെ വീട്ടിൽ വെച്ചാണ് ഇവർ പിടിയിലായത്. 30 ലിറ്റർ കോടയും മുക്കാൽ ലിറ്റർ ചാരായവും വാറ്റുപകരങ്ങളും കണ്ടെടുത്തു.

നാട്ടുകാർക്കടക്കം ഇവർക്കെതിരെ സംശയമുണ്ടായിരുന്നു. രഹസ്യ വിവരത്തിന്റെ അടിസ്ഥാനത്തിലായിരുന്നു പൊലീസ് തിരച്ചിൽ നടത്തിയത്. എസ് എച്ച് ഒ ടി.എസ് ശിവപ്രകാശിന്റെ നിർദേശ പ്രകാരം എസ് ഐ  ടി. കെ സുധീർ,  സീനിയർ സി പി ഒ  ശ്യാം, സി പി ഒ മാരായ വിഷ്ണു, അഖിൽ മുരളി എന്നിവരടങ്ങുന്ന സംഘമാണ് പ്രതികളെ പിടികൂടിയത്.

ലോക്‌സഭാ തെരഞ്ഞെടുപ്പ് മുന്നില്‍ നില്‍ക്കെ രാജ്യം ചിന്തിക്കുന്നതെന്ത്? സര്‍വേയില്‍ പങ്കെടുക്കാന്‍ ഇവിടെ ക്ലിക്ക് ചെയ്യാം.

ഏഷ്യാനെറ്റ് ന്യൂസ് വാർത്തകൾ തത്സമയം കാണാം