
തിരുവനന്തപുരം: സംസ്ഥാനത്തിന്റെ പലഭാഗങ്ങളിലും ചൂട് വര്ധിക്കുന്നതിനാല് അങ്കണവാടികളുടെ പ്രവര്ത്തന സമയം മാറ്റാന് ആരോഗ്യ സാമൂഹ്യനീതി വനിത ശിശു വികസന വകുപ്പ് മന്ത്രി കെ കെ ശൈലജ, വനിത ശിശുവികസന വകുപ്പ് ഡയറക്ടര്ക്ക് നിര്ദേശം നല്കി. തദ്ദേശ സ്വയംഭരണ സ്ഥാപനങ്ങളുടെ കൂടി തീരുമാനത്തോടെ പ്രവര്ത്തന സമയം രാവിലെ 7 മുതല് ഉച്ചയ്ക്ക് 12 വരെയോ രാവിലെ 8 മണി മുതല് ഉച്ചയ്ക്ക് 1 മണിവരെയോ ആക്കാനാണ് നിര്ദേശം നല്കിയിരിക്കുന്നത്.
വര്ധിച്ച ചൂട് കാരണം ചില അങ്കണവാടികള് അടച്ചിടേണ്ട അവസ്ഥ ഉണ്ടായതായി റിപ്പോര്ട്ടുണ്ട്. അങ്കണവാടികള് അടച്ചിട്ടാല് കുട്ടികള്ക്ക് നല്കേണ്ട പോഷകാഹാരങ്ങള് കൃത്യമായി ലഭിക്കാതെ വരും. അതിനാലാണ് അതത് തദ്ദേശ സ്വയംഭരണ സ്ഥാപനങ്ങളുടെ തീരുമാനമനുസരിച്ച് സമയക്രമം മാറ്റുവാന് നിര്ദേശം നല്കിയതെന്നും മന്ത്രി പറഞ്ഞു.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam